1. Die Wes-Kaap Onderwysdepartement (WKOD) maak graag bekend dat fondse in die vorm van 'n beurs beskikbaar gestel gaan word aan onderwysers wat die Gevorderde Onderwyssertifikaat (GOS) wil verwerf.
2. Die volgende persone mag aansoek doen:

  • Onderwysers in die permanente diens van die WKOD;
  • Gekwalifiseerde onderwysers met minstens 'n ROKW 13(M + 3) ;
  • Onderwysers wat aan die toelatingsvereistes van die betrokke universiteit voldoen
    (Kyk Bylae A.);
  • Onderwysers wat nie in ontvangs is van 'n ander staatsbeurs of enige ander beurs nie.
3. Die kursusse het ten doel die verbetering van onderwysers se kwalifikasies, kennis en professionele praktyke in die kursusvakke wat aangebied word.
4. Hierdie GOS-kursusse sal op 'n deeltydse basis oor 'n tydperk van twee jaar aangebied word (van Januarie 2010 tot Desember 2011). Elke kursus sal toegang verleen tot 'n NKR-vlak 6-kwalifikasie en sal afstandsonderrig, asook kontaksessies gedurende die week, behels.
5. Elke beurs dek registrasie- en onderriggelde en word inbetaal in die bankrekenings van die hoër onderwysinrigtngs.
6. Akkommodasie wat deur die gekontrakteerde universiteit of die WKOD gereël word, sal voorsien word slegs vir onderwysers wat van landelike gebiede afkomstig is.
7. Waar van toepassing sal vervoerkoste na en van die opleidingsplek gedek word deur die WKOD, op voorwaarde dat onderwysers van dieselfde dorp of skool vervoer deel.
8. Onderwysers is self verantwoordelik vir die koste verbonde aan hulle leerondersteunings-materiaal, waar van toepassing.
9. Onderwysers wat graag in aanmerking wil kom vir 'n kursusbeurs word versoek om Bylae B
en C te voltooi en hulle via hulle skoolhoofde by die Departement in te dien. Aansoeke moet die volgende adres bereik teen nie later nie as Vrydag 16 Oktober 2009:

  Die Hoof: Onderwys
Vir aandag: Mee FM Kearns / S Lendore (Kamer 23-05)
Direktoraat: Interne-menslikekapitaalontwikkeling
Wes-Kaap Onderwysdepartement
Sanlam Goue Akker Gebou
Privaatsak X9114
Kaapstad
8000.
10. Aansoeke kan ook gepos word in die posbus gemerk "Direktoraat: Interne-menslikekapitaalontwikkeling" in die hoofingangfoyer van die WKOD-hoofkantoor te Grand Central Towers, Kaapstad.
11. Aansoek- en ooreenkomsvorms is aangeheg by hierdie minuut. Afskrifte van hierdie vorms is ook beskikbaar by die WKOD se Kliëntediensafdeling op die tweede vloer van Grand Central Towers, Kaapstad.
12. Let asseblief daarop dat:

  • onvoltooide of onleesbare aansoeke nie oorweeg sal word nie en;
  • geen aansoeke wat gefaks word, aanvaar sal word nie.
13. Aansoeke wat na die sluitingsdatum ontvang word, sal nie oorweeg word nie.
14. LET WEL:

  • Die naam van die GOS-kursus en die universiteit van u keuse moet duidelik op die aansoekvorm gemeld word;
  • Aansoekers moet ook 'n tweede keuse van GOS-kursus en universiteit op Bylae B voorsien;
  • Gewaarmerkte afskrifte van u matrieksertifikaat, akademiese en/of professionele kwalifikasiesertifikaat/-sertifikate en ID moet saam met u aansiek ingedien word;
  • Indien u vir meer as een beurs aansoek doen, moet aparte aansoeke ingedien word.
15. Die Beurskomitee sal al die aansoeke oorweeg en prioritiseer, en dan aanbevelings doen vir die toekenning van die beurse.
16. Elke suksesvolle aansoeker sal 'n formele ooreenkoms met die WKOD moet aangaan om 'n jaar se diens te lewer vir elke jaar waarvoor die beurs toegeken word, en sal ook moet voldoen aan die ander bepalings wat in die ooreenkoms uiteengesit is.
17. Maak asseblief seker dat die inhoud van hierdie dokument onder die aandag van alle onderwysers gebring word.


GETEKEN: G DE BRUYN
HOOF: ONDERWYS
DATUM: 2009:09:28

"Annexure A: 2010 Bursaries available for Advanced Certificate in Education (ACE)"  (grootte: 45 KB)
Bylae B: Gevorderde Onderwyssertifikaat (GOS)  (grootte: 70 KB)
"Annexure C: Agreement on Payment of Tuition Fees from State FundS"  (grootte: 22 KB)