| 1. |
Die Wes-Kaap Onderwysdepartement (WKOD) het waardering vir onderwysers se verbintenis tot die verbreding van hulle kennis van tendense in die onderwys en die ontwikkeling van hulle onderrigvaardighede. |
| 2. |
Die WKOD sal finansiële bystand verleen aan onderwysers wat deeltyds studeer vir hulle eerste nagraadse graad, B.Ed.Hons, en spesialiseer op enige terrein van die onderwys. |
| 3. |
Onderwysers wat reeds vir die 2009-akademiese jaar geregistreer het, word genooi om aansoek te doen om finansiële bystand in die vorm van 'n beurs vir hulle oorblywende jaar/jare van studie ter verwerwing van die B.Ed.Hons.-graad. |
| 4. |
Die toekenning van die beurs is onderworpe daaraan dat die aansoeker
- 'n student moet wees, geregistreer óf by 'n erkende tersiêre inrigting in die Wes-Kaap óf by UNISA óf by die Noord-Wes Universiteit;
- in sy of haar eerste of tweede jaar van studie moet wees;
- 'n onderwyser in die permanente diens van die WKOD moet wees;
- nie tans 'n ander staatsbeurs of enige ander beurs moet ontvang nie; en
- 'n Suid-Afrikaanse burger moet wees.
|
| 5. |
Die beurs sal slegs registrasie- en onderriggelde dek. |
| 6. |
Elke aansoek om 'n beurs moet bestaan uit die volgende dokumente:
- 'n Voltooide studiebeursaansoekvorm (Bylae A)
- Die naam van die universiteit waar die aansoeker geregistreer is moet duidelik op die aansoekvorm aangedui word.
- 'n Voltooide ooreenkomsvorm (Bylae B)
- Bewys van registrasie vir die 2009-akademiese jaar (gewaarmerkte kopieë)
- Dokumentëre bewys van studiegelde, d.w.s. gelde en onderriggelde, vir die 2009-akademiese jaar (Hierdie inligting sal verkrygbaar wees van die tersiëre inrigting waar die aansoeker geregistreer is.)
- Gewaarmerkte kopieë van die aansoeker se ID, Senior Sertifikaat, en akademiese en professionele kwalifikasie-sertifikaat/sertifikate
|
| 7. |
Aansoeke moet teen Donderdag 18 Junie 2009 by die volgende adres ingedien word:
Hoof: Onderwys
(Vir aandag: me F Kearns)
Direktoraat: Internemenslikekapitaalontwikkeling (Onderwyserontwikkeling)
Wes-Kaap Onderwysdepartement
Privaatsak X9114
Kaapstad
8000
Aansoeke kan ook gepos word in die houer gemerk "Direktoraat: Internemenslikekapitaalontwikkeling" in die hoofingangsportaal van die WKOD Hoofkantoor te Grand Central Towers, Kaapstad.
|
| 8. |
Aansoekvorms en ooreenkomsvorms is aangeheg by hierdie minuut. Afskrifte van hierdie vorms is ook beskikbaar by die WKOD se Kliëntediensafdeling op die tweede vloer van Grand Central Towers, Kaapstad |
| 9. |
Let asseblief daarop dat
- geen laat, onvolledige en onleesbare aansoeke oorweeg sal word nie,
- slegs gewaarmerkte kopieë van vereiste dokumentasie aanvaar sal word; en
- geen aansoeke per faks aanvaar sal word nie.
|
| 10. |
Die Beurskomitee sal alle aansoeke oorweeg en prioritiseer en dan aanbevelings oor die toekenning van die beurse doen. Die aantal aansoeke wat ontvang word en die beskikbare fondse sal bepaal hoeveel beurse toegeken kan word. |
| 11. |
Elke suksesvolle aansoeker sal 'n formele ooreenkoms met die WKOD moet aangaan om 'n jaar se diens te lewer vir elke jaar waarvoor die beurs toegeken is, en om te voldoen aan al die ander bepalings wat in die ooreenkoms uiteengesit is. |
| 12. |
Maak asseblief seker dat die inhoud van hierdie minuut onder die aandag van alle onderwysers gebring word. |
GETEKEN: ED KIRSTEN
HOOF: ONDERWYS
DATUM: 2009:05:26
|