Datum:  1 en 2 Oktober 2009

Plek:  Kaapse Onderwys- en Leierskapsinstituut,
          Nooiensfonteinweg, Kuilsrivier

Tye:  1 Oktober: 09:00 - 17:00
        2 Oktober: 08:30 - 14:00

Wie moet dit bywoon? Wiskunde-onderwysers vir graad R- tot graad 9

1. Die Wes-Kaap Onderwysdepartement (WKOD) nooi Wiskunde-onderwysers vir graad R tot graad 9 uit om óf as aanbieders óf as deelnemers deel te neem aan die Wiskunde-oplossingskonferensie.

2. Doel

Die doel van hierdie Wiskunde-konferensie is om voorbeelde te voorsien van maniere waarop Wiskunde effektief aangebied kan word.


3. Inligting vir aanbieders
3.1 Onderwysers wat belangstel om 'n Wiskundeles, 'n lesing oor Wiskundeonderrig of 'n "beste praktyk"-werkswinkel by die konferensie aan te bied, moet hulle deur die volgende laat lei:
  • Die les of lesing of "Hoe ek dit onderrig"-werkswinkel moet gebaseer wees op graad R- tot 9 se Nasionale Kurrikulumverklaring vir Wiskunde.
  • Die les moet 'n aspek van die Wiskunde-sillabus vir 'n bepaalde graad onderrig
  • Deelnemers aan die konferensie moet by die les of werkswinkel betrek word.
  • Duur: 60 minute. Laat 5 tot 10 minute toe vir groepbespreking of vrae.
  • Lokale sal draagbare tafels en stoele, 'n oorhoofse projektor, data projektor en 'n skryfbord hê.
  • Alle werksvelle vir die konferensie sal bymekaargesit en in boekvorm uitgedruk word. Dit beteken dat aanbieders nie addisionele afskrifte van gedrukte materiaal hoef te bring nie, tensy daar van deelnemers verwag word om die werkvelle te sny of te vou.
  • Alle gedrukte material moet getik word en indien moontlik op 'n laserdrukker gedruk word. Die WKOD sal die materiaal dupliseer.
3.2 Vul asseblief Bylae A in indien u belangstel om 'n item op 1 of 2 Oktober aan te bied en faks dit teen 15 Mei 2009 aan Mnr A. Lamprecht by faksnommer 021 900 5175/5162/5013, of e-pos dit na alamprec@pgwc.gov.za

4. Inligting vir deelnemers
4.1 Onderwysers wat nie hulle werk wil aanbied nie, maar wat die konferensie wil bywoon, word versoek om hulle besonderhede op die skoollys in Bylae B in te vul.
4.2 Die ingevulde Bylae B moet teen 31 Julie 2009 teruggestuur word aan Mnr A. Lamprecht by e-posadres alamprec@pgwc.gov.za, of aan Mej. G Matthews by e-posadres gmatthew@pgwc.gov.za of na faksnommer 021 900 5175/5162/5013
4.3 Die konferensieprogram sal insluit grootgroep-paneelbesprekings en parallelsessies wat deur die deelnemers aangebied word. Skole wat vir die konferensie registreer sal teen 18 September 2009 besonderhede van die konferensieprogram ontvang.

5. Logistieke sake

Deelnemers of aanbieders uit die landelike distrikte wat meer as 120 km retoer aflê, kan in die Kaapse Onderwys- en Leierskapsinstituut se koshuis oornag op Woensdag, 30 September 2009. Akkommodasie sal deur die WKOD betaal word. Vervoerkoste sal nie deur die WKOD gedek word nie.


6. Die WKOD vertrou dat hierdie konferensie 'n verrykende ervaring vir alle Wiskunde-onderwysers sal wees wat dit bywoon.


GETEKEN: ED KIRSTEN
HOOF: ONDERWYS
DATUM: 2009:04:07

Bylae A: Aanbieder se vorm  (grootte: 16 KB)
Bylae B: Deelnemers se vorm  (grootte: 16 KB)