1. Die Nasionale Onderwystoekennings erken voortreflikheid en 'n hoë graad van professionalisme, en voorsien die onderwysgemeenskap van die geleentheid om die prestasies van uitmuntende onderwysers te vier. Voorts plaas hulle die kollig op die buitengewone werk wat oor die algemeen deur onderwysers verrig word. Die Wes-Kaap Onderwysdepartement (WKOD) is dus trots daarop om die provinsiale toekennings wat uitloop op die Nasionale Onderwystoekennings, te kan aanbied en organiseer.
2. Die Nasionale Onderwystoekennings vier vanjaar sy tiende bestaansjaar.
3. Die onderskeie toekenningskategorieë is soos volg:
  • Uitnemendheid in Laerskoolonderrig
  • Uitnemendheid in Sekondêreskoolonderrig
  • Uitnemendheid in Laerskoolleierskap
  • Uitnemendheid in Sekondêreskoolleierskap
  • Uitnemendheid in Graad R-Onderrig
  • Uitnemendheid in Inklusiewe Onderwys En Spesialeonderwysbehoeftes- Onderrig
  • Uitnemendheid in Basiese Onderwys en Opleiding vir Volwassenes (BOOV)
    (Vlak 1 - 4 alleenlik in die AOO-Band)
  • Lewenslangeprestasietoekenning
4. Provinsiale wenners sal elk 'n skootrekenaar ontvang met die komplimente van die Wes-Kaap Onderwysdepartement.
5. Daar sal ook monetêre toekennings wees vir die skole waar die klusterwenners, provinsiale wenners en nasionale wenners skoolhou.
6. Nominasiehandleidings en nominasievorms word versend aan alle WKOD-inrigtings, asook aan BOOV- en geregistreerde Graad R-sentrums. Alle onderwysers word uitgenooi om deel te neem aan hierdie proses deur nominasies (kriteria en formaat vervat in die handleiding) voor te lê aan hulle prinsipale of sentrumbestuurders wat dan die voltooide nominasievorms sal stuur aan hulle onderskeie onderwysdistrikte vir die aandag van die distrikskoördineerders.

Indien u meer inligting benodig, tree asseblief in verbinding met een van die volgende distrikskoördineerders:

Eden & Sentraal Karoo:Dr Fernholdt Galant028 713 2928
Kaapse Wynland:Mnr Joaniel PieterseMr Joaniel Pieterse
Overberg:Mnr Japie Bailey028 212 3634
083 707 2197
Weskus:Mnr JA Mouton022 4822737
083 289 8437
Metropool Suid:Me Karen Dudley
Mnr Dryfus Jonas		021 370 2000
082 691 6768
Metropool Oos:Me Desiree Watson
Me Dianne Naidoo		021 900 7195
072 212 655
Metropool Noord:Mnr Trevor Adams
Me Suzette de Villiers		021 938 3016
021 938 3013
Metropool Sentraal:Mnr Alton Koenze021 659 4428/9
7. U aandag word op die volgende uittreksels uit die nominasiehandleiding gevestig:

Die prinsipaal/sentrumbestuurder van die nominasiespan moet 'n nominasievergadering wat die skoolbeheerliggaam of sentrumbeheerliggaam (SBL) moet insluit, belê om die nominasieproses te bespreek."

Die personeel en die SBL-lede van die skool/sentrum moet die kriteriavereistes van elke kategorie bestudeer en eienskappe of kenmerke opstel vir hulle genomineerdes wat sal ooreenstem met bepaalde gegewe kriteria."

Wanneer geskikte onderwysers/spanne genomineer is, moet hulle name op die gegewe nominasievorms ingevul word."

Distriksbeamptes mag ook nomineer in oorleg met die skool-/sentrumgemeenskap."

8. 'n Maksimum van vyf (5) onderwysers kan 'n span per kategorie uitmaak.
9. Prinsipale en sentrumbestuurders is verplig om die nominasievergadering te hou teen nie later nie as 28 Mei 2009. Notule van die vergadering moet gehou en ingedien word by die IBB-adviseur, vir die aandag van die betrokke distrikskoördineerder.
10. Prinsipale en sentrumbestuurders moet ook die aangehegte Bylae A voltooi en teen nie later nie as 29 Mei 2009 indien by die IBB-adviseur, vir die aandag van die betrokke distrikskoördineerder.
11. Die prysgeld wat deur skole of sentrums ontvang word, moet aangewend word vir personeelontwikkeling, toegespits op die verbetering van die gehalte van onderrig.
12. Die sluitingsdatum vir die indien van alle nominasievorms by die distrikskoördineerders is 19 Junie 2009.
13. Die nominasievorm is ook beskikbaar op die Thutong Portal by http://www.thutong.org.za en die Departement van Onderwys se webwerf by http://www.education.gov.za
14. Bring asseblief die inhoud van hierdie minuut onder die aandag van al die lede van u onderwyspersoneel.


GETEKEN: ED KIRSTEN
HOOF: ONDERWYS
DATUM: 2009:03:30

Bylae A  (grootte: 17 KB)