| 1. |
Die doel met die Departement se onlangse herontwerpproses was die versterking van die ondersteuning wat beskikbaar is vir inrigtings om te verseker dat alle leerders toegang het tot onderwys van 'n toenemende hoë standaard. |
| 2. |
Daar is bevind dat sodanige ondersteuning aansienlik versterk kan word deur die Direktoraat se werkswyse te verander. Die Direktoraat het voorheen gefunksioneer op die basis van spesialisering waar elke komponent (subdirektoraat) verantwoordelikheid vir 'n spesifieke faset van die werk aanvaar het. Elke werknemer verbonde aan 'n komponent het dienste gelewer op sy of haar spesifieke kundigheidsgebied, byvoorbeeld aanstellings, pensioene en verlof. |
| 3. |
Die Direktoraat is nou op so 'n wyse herstruktureer dat 'n komponent verantwoordelikheid aanvaar vir 'n spesifieke groepering, in teenstelling met verantwoordelikheid vir 'n funksie. Nege subdirektorate is nou tot stand gebring. Agt subdirektorate is verantwoordelik vir inrigtinggebaseerde personeel in 'n spesifieke onderwysdistrik en die negende vir kantoorgebaseerde personeel by hoofkantoor en distrikskantore. |
| 4. |
Die kontakbesonderhede van die hoofde van die nege subdirektorate is soos volg:
| Komponent |
Bestuurder |
Tel. nr. |
Fax nr. |
| Subdirektoraat: Kantoorgebaseerde personeel |
Me JC Williams |
021 4672031 |
021 4672882 |
| Subdirektoraat: OD Sentraal |
Me BC Tataw |
021 4672485 |
021 4672393 |
| Subdirektoraat: OD Oos |
Mnr C Hector (wnd.) |
021 4672492 |
021 4672393 |
| Subdirektoraat: OD Noord |
Mnr H Wyngaard |
021 4672499 |
021 4672512 |
| Subdirektoraat: OD Suid |
Mnr DG Daniso |
021 4672467 |
021 4672393 |
| Subdirektoraat: OD Eden & Sentraal Karoo |
Me C Daniels |
021 4672458 |
021 4672882 |
| Subdirektoraat: OD Weskus |
Mnr JJ Gordon |
021 4672366 |
021 4672393 |
| Subdirektoraat: OD Kaapse Wynland |
Mnr EW Titus |
021 4679351 |
021 4672393 |
| Subdirektoraat: OD Overberg |
Mnr WT Wilkinson |
021 4672367 |
021 4672512 |
|
| 5. |
Die nuwe reëling sal verantwoordbaarheid en deursigtigheid bevorder en in die besonder uitloop op 'n beter spanbenadering tussen komponente en inrigtings. |
| 6. |
Die Direktoraat is primêr verantwoordelik vir die administrasie van
- werwing, keuring, aanstelling en ander lewensloopgebeure van personeel
- vergoeding en diensvoorwaardes van personeel
- personeelverslae.
|
| 7. |
'n Afsonderlike direktoraat, Direktoraat: Internemenslikekapitaalbestuur, is gestig om beleidsake te hanteer. |
| 8. |
Telefoonnavrae moet steeds gerig word aan die inbelsentrum by 0861 92 33 22. |
| 9. |
Alle korrespondensie wat verband hou met menslikehulpbronadministrasie moet gemerk word "PERSONEEL - VERTROULIK" en gepos word na die volgende adres:
Die Hoof: Onderwys
Direktoraat: Internemenslikekapitaaladministrasie
Subdirektoraat: (Naam van betrokke subdirektoraat)
Privaatsak X9114
Kaapstad
8000
|
| 10. |
Die Direktoraat bly steeds onder die beheer van mnr NA Daniels. |
| 11. |
Bring asseblief hierdie minuut onder die aandag van alle personeel onder u toesig. |
GETEKEN: TS MATSELISO
HOOF: ONDERWYS
DATUM: 2009:04:20
|