| 1. |
Die oogmerk met hierdie minuut is om die Wes-Kaap Onderwysdepartement (WKOD) in staat te stel om beserings aan diens doeltreffend te administreer.
|
| 2. |
Van die algemeenste probleme wat voorkom by die administrasie van beserings aan diens is die volgende:
- Die onderskeie velde op die voorgeskrewe vorms word nie korrek en volledig ingevul nie.
- Die besering aan diens word nie binne die voorgeskrewe tydperk (7 tot 14 dae) aangemeld nie.
- Insidente word direk by die ongevallekommissaris aangemeld, sonder die tussenkoms van die WKOD (Werkgewer).
|
| 3. |
Die vorms wat ingevul moet word in die geval van 'n besering aan diens, is die volgende:
|
| 4. |
Al die vorms ten opsigte van besering aan diens, d.w.s WCL.2, WCL.3, WCL.4 en WCL.5, is verkrygbaar by die Departement van Arbeid of kan gevind word op die webwerf http://www.labour.gov.za. Let asseblief daarop dat alle dokumentasie en rekeninge wat aan hierdie kantoor voorgelę word, die oorspronklikes moet wees. Geen fakse of afskrifte sal aanvaar word nie.
|
| 5. |
Direkteure en hoofde van onderwysinrigtings word versoek om seker te maak dat die inhoud van hierdie minuut onder die aandag van alle werknemers gebring word. Elke werknemer moet versoek word om die dokument te onderteken as aanduiding dat hy of sy bekend is met die inhoud daarvan.
|
GETEKEN: TS MATSELISO
HOOF: ONDERWYS
DATUM: 2009:02:24
|