1. Die promosietoere om die kontrolebetaalstate bekend te stel in die onderwysdistrikte is voltooi. Onderwysdistrik Metro-Suid het aangedui dat hulle volle verantwoordelikheid sal neem om al hulle skole op te lei in die gebruik van die Kontrolebetaalstaatstelsel (KBS), wat geakkommodeer sal word op die Menslikekapitaal-verlofbestuurstelsel (MKVBS). Ons wil graag die skole bedank wat hulle verteenwoordigers gestuur het na hierdie promosietoere, asook die onderwysdistrikpersoneel wat hierdie geleenthede georganiseer het. Ons bedank graag die prinsipale, personeel en skoolbeheerliggame van die volgende skole wat opleidingslokale beskikbaar gestel het:

Aurial Kollege (Oudtshoorn), Nico Brummer Primêre Skool (Beaufort-Wes), Knysna Hoërskool (Knysna), Gerrit Du Plessis Hoërskool (Riversdale), Ridge View Primêre Skool (Mosselbaai), Faure Jeugsentrum (Eersterivier), Livingstone Hoërskool (Kaapstad), Proteus Hoërskool (Atlantis), Dirkie Uys Primêre Skool (Moorreesburg), Paarl Gimnasium Hoërskool (Paarl), Nuwe Hoop Sentrum (Worcester), PW Botha Kollege (George)

'n Spesiale woord van dank aan alle skole wat deelgeneem het aan die loodsprojek in 2009. Hulle bydraes is baie hoog waardeer.
2. Die stelsel sal in werking tree vir alle onderwysinrigtings op 20 Julie 2009. Die KBS se inwerkingtreding beteken dat alle skole in staat sal wees om toegang te verkry tot die KBS op die MKVBS sodat die betaalstate op die stelsel ingesleutel kan word onder die KBS-spyskaartitem. Neem die KBS-opsie: Betaalstaat-terugkeer-kontrole
3. Die prinsipaal van die skool waarna in hierdie dokument verwys word as "die betaalmeester" is die persoon wat uiteindelik verantwoordelik is vir die verifikasie van die betaalstaat. n Brief sal gepos word aan elke betaalmeester met 'n uiteensetting van sy of haar verantwoordelikhede.
4. Die normale sertifisering van die betaalstaatverslag met salarisinligting, ingevolge Rekeningkundigediensteminuut 0011/2007, moet voortgaan en moet teruggestuur word, saam met die betaalstaatverslag, sonder salarisinligting, na die volgende adres:
Direkteur: Finansiëlerekeningkundigedienste
Vir aandag: Mev A Smit
Betaalstaatkontroleafdeling (7de vloer)
Wes-Kaap Onderwysdepartement
Privaatsak X9114
Kaapstad
8000
Faksno.: 021 461 3656
E-posadres: avsmit@pgwc.gov.za
5. U moet u eie kopieë maak van die bogenoemde dokumentasie vir rekorddoeleindes.
6. U samewerking sal opreg waardeer word.


GETEKEN: RM MATLI
HOOF: ONDERWYS
DATUM: 2009:07:20