| 1. |
Die doel van hierdie minuut is om u te herinner aan die insette wat u moet lewer by die samestelling van die finansiële state vir die Wes-Kaap Onderwysdepartement vir die 2008-2009 finansiële jaar.
|
| 2. |
Ingevolge artikel 40(1)(c) van die Wet op Openbare Finansiële Bestuur, Wet 1 van 1999, soos gewysig deur Wet 29 van 1999, moet die Rekenpligtige Beampte die finansiële state vir elke finansiële jaar voorberei en hulle binne twee maande na die einde van 'n finansiële jaar vir ouditering indien by die Ouditeur-generaal en by die Provinsiale Tesourie, wat die gekonsolideerde finansiële state sal voorberei. Dit beteken dat die WKOD se voltooide en ondertekende finansiële state nie later nie as 31 Mei 2009 ingedien moet word.
|
| 3. |
Ten einde hierdie direktoraat in staat te stel om aan vir bepalings van die Wet op Openbare Finansiële Bestuur te voldoen, is dit noodsaaklik dat die persone wat op die aangehegte lys aangedui word, hulle insette by hierdie direktoraat indien so gou moontlik na die einde van die finansiële jaar, maar nie later nie as 15 April 2009, indien nie onderworpe aan jaarsluiting nie. Let asseblief daarop dat insette vergesel moet word van ondersteunende dokumentasie in elektroniese formaat, soos vereis deur die OG se kantoor.
|
| 4. |
Ten wille van gerieflike verwysing sal elektroniese weergawes van profielvorms vir die samestelling van die finansiële state soos van toepassing op elke afdeling, aan die persone op die aangehegte lys ge-e-pos word. Die toepaslike gids by die voorbereiding van finansiële state sal ook daarmee saam per e-pos gestuur word.
|
| 5. |
Enige navrae in hierdie verband kan aan mnr MJ Comer by 021 467 2736, of mnr S van Wyk by 021 467 2738 gerig word.
|
| 6. |
U samewerking in hierdie verband sal hoog op prys gestel word.
|
GETEKEN: C GOVERNDER
HOOF: ONDERWYS
DATUM: 2009:03:25
|