1. |
Ukwenzela ukuba sincedise izikolo eziyinxalenye yesicwangciso sikazwelonke sezikolo zeNational Strategy for Learner Attainment (NSLA), i-QIDS-UP iqalise ungenelelo ngoncedo oluveliswe yiYunivesithi yaseStellenbosch.
|
2. |
Ungenelelo ngoncedo, olwaziwa ngokuba yi-Interactive Telematic Teaching, liqonga elahluke mpela nelingafani konke nelinye elisekelwe kwindibaniselwano yethekhinoloji ngesathelayithi, iWorld Wide Web, iiselula (SMS protocol) kunye nethekhinoloji yesmart card. Ibandakanya istudiyo esisekhampasini nezikolo ezili-10 ezikhethiweyo eziseNtshona Koloni (Jonga kwisiHlomelo A).
|
3. |
Injongo ephambili yolu ngenelelo ngoncedo kukudala imeko yokufunda eyiyo ngokuxhasa ukufunda nokufundisa kubafundi beBakala 12. Olu ncedo luya kusasazwa kwimimandla eyahlukeneyo ngaxeshanye kusetyenziswa istudiyo seYunivesithi yaseStellenbosch.
|
4. |
Ezi zifundo zilandelayo ziya kusasazwa ngqo ngexesha lokufundiswa kwazo (live broadcast): IMathematika, iFizikhali Sayensi, iiSayensi zoBomi, iAkhawuntingi noLwimi lwesiNgesi oLongezelelweyo (Jonga iithayimthebhile kwiziHlomelo B no-C).
|
5. |
Abafundi kwisikolo ngasinye kwezikhethiweyo baya kuba nako ukuqhagamshelana nomqhubi-nkqubo osestudiyo bekwenza oko ngekhompyutha okanye ngeselula. Abathathi-nxaxheba kwiziko ngalinye lala maziko angamanye baya kubanako ukubona imibuzo kwiskrini.
|
6. |
Abaqhubi-nkqubo ngootitshala abaphambili ngolwazi lwabo (lead teachers) beSebe iWCED, abacebisi ngezekharityhulam nabacwangcisi bekharityhulam abakhethiweyo ngenxa yobungcali babo kwiinkalo zezifundo zabo.
|
7. |
Kuya kulindeleka ukuba ootitshala bezifundo kwisikolo ngasinye balawule baze babeke esweni inkqubo ngexesha kanye apho izifundo ziya kube ziboniswa. Ootitshala baya kuhlawulwa ngeyure nganye ukwenza lo msebenzi.
|
8. |
ISebe iWCED liya kuzihlawula izikolo ngokuthutha kwazo abafundi abaze kwezi seshoni nokubanika ukutya.
|
9. |
Njengoko izifundo ziqhutywa emva kweeyure zesikolo apha evekini nangeeCawa, kunyanzelekile ukuba iinqununu zikuxoxe oku nabazali kunye nee-SGB. Ifom esayinwayo yokukhulula isikolo kubo nabuphi na ubutyala (indemnity form) mayisayinwe ngumzali ngamnye okanye ngumgcini womfundi ngamnye.
|
10. |
Akuyi kuba ngabafundi kuphela abaxhamlayo kule nkqubo. Ukuba inkqubo ilawulwa kakuhle, isikolo siphela kunye nabahlali baya kuxhamla.
|
11. |
Intlanganiso yokuqhelanisa iinqununu ezili-10, utitshala ngamnye kwabo bafundisa ezi zifundo, abacwangcisi bekharityhulam nabacebisi ngezekharityhulam seyilungiselelwe owe-21 Julayi 2009, ukuqala ngo-14:00 - 17:00. Kuya kuhlanganelwa apha Room 4029, Faculty of Education, University of Stellenbosch (corner of Ryneveld and Crozier Streets). Abo bafuna ukwenza ibango leendleko zothutho mabeze kumasifundisane bephethe le ngcaciso ilandelayo:
- Inombolo yobhaliso lwesithuthi nomthamo wenjini
- Umgama weekhilomitha ukusuka esikolweni ukuya kwiYunivesithi yaseStellenbosch
- Inombolo yepesali yomqhubi
- Abathathi-nxaxheba abavela e-Eden nakwiCentral Karoo mabazenzele amalungiselelo abo endawo yokulala baze bangenise ubungqina bentlawulo kumasifundisane
|
12. |
Ziyacelwa iinqununu ukuba zisebenzise isiHlomelo D ukunika iSebe iWCED iinkcukacha zabo bonke abafundi beBakala 12 abaya kuya kwezi zifundo zongezelelweyo. Le fom izalisiweyo mayithunyelwe nge-imeyili kulo zhartley@pgwc.gov.za okanye ithunyelwe ngefeksi apha 021 467 2697.
|
13. |
Ukuba unayo nayiphi na imibuzo ngeli phulo, kucelwa uqhagamshelane naba:
|
14. |
Sele silangazelela mpela ukuqalisa le projekthi inika umdla kunye nawe.
|
15. |
Ziyacelwa iinqununu ukuba zazise okubhalwe kule ngcaciso imfutshane bonke abasebenzi abachaphazelekayo, abafundi beBakala 12 nabazali okanye abagcini babafundi.
|
ISAYINWE: NGU-SM NAICKER
INTLOKO: YESEBE LEMFUNDO
UMHLA: 2009:07:13
|