| 1. |
ISebe leMfundo leNtshona Koloni (WCED), libambisene neYunivesithi yaseStellenbosch (US), liqhuba olu khuphiswano lulandelayo kubo bonke abafundi abakumaBakala 7, 9 no-12 abahamba isikolo kwezo eziphantsi kwe-WCED. Eyona nto kujoliswe kuyo ngalo msebenzi ubhalwayo ziimfundiso ezisisiseko sokuziphatha kakuhle (moral values) kwaye abafundi bangabhala ngolwimi lwabo lwenkobe.
|
| 2. |
Ngalunye uxwebhu lokungenela ukhuphiswano malubhalwe igama elipheleleyo lomfundi, idilesi yesikolo, ibakala lomfundi kunye nesihloko.
|
| 3.1 |
IBakala 7: Uyinqununu yesikolo sakho. Bhala isincoko malunga nento onokuyenza ukubethelela iimfundiso ezintle kubafundi besikolo sakho. (amagama ali-1 000)
|
| 3.2 |
IBakala 9: Bangenza ntoni ootitshala nabazali, kwakunye nabafundi, ukuze babe yimizekelo emihle enokukotshwa luluntu lwanamhlanje? (amagama ali-1 000)
|
| 3.3 |
IBakala 12: Khetha ezona mfundiso zibaluleke gqitha zibe ntlanu ocinga ukuba ulutsha lufanele ukuzibandakanya ebomini balo. Bhala isincoko ubonise indlela ootitshala, abazali norhulumente abanokulunceda ngayo malunga noku. (amagama ali-1 000)
|
| 4. |
Amabhaso
Ibhaso lokuqala kwicandelo ngalinye: R10 000
Ibhaso lesibini kwicandelo ngalinye: R 7 000
Ibhaso lesithathu kwicandelo ngalinye: R 3 000
Izikolo zamacandelo amathathu abawinileyo ziya kufumana i-R20 000 isikolo ngasinye.
|
| 5. |
Incwadana
Izincoko ezilishumi ezizezona zibhetele kwicandelo ngalinye ziya kufakwa kwincwadana. Umfundi ngamnye osincoko sakhe sipapashiweyo kwincwadana - kubandakanywa nesikolo ngasinye kweziphantsi kwe-WCED - uya kufumana ikopi yamahala.
|
| 6. |
Sinethemba lokuba eli linge liya kusinika iindlela zokubona izinto nzulu kakhulu ngesi sihloko sibaluleke kangaka. Mhlawumbi ezinye zezi ngcinga zinokusetyenziswa nasezikolweni!
|
| 7. |
Ingcaciso ngokubanzi
Umhla wokuvala: 1 Meyi 2009
Ukubhengezwa kwabaphumeleleyo: 15 Juni 2009
Ukupapashwa kwencwadana: 14 Agasti 2009
Idilesi yeposi:
Writing competition
Idilesi ye-imeyili: projek@sun.ac.za
Attention: Z. Botha
Ifeksi: 021 886 5518
PO Box 3322
MATIELAND
7602
Imibuzo: Z Botha apha 021 808 2914
|
ISAYINWE: NGU-SM NAICKER
INTLOKO: YESEBE LEMFUNDO
UMHLA: 2009:02:06
|