1. Ngako ke kucelwa ootitshala ukuba bafake izicelo, abo bangathanda ukuba babe ngabamakishi abaziintloko, amasekela-bamakishi abaziintloko neemodareyitha zangaphakathi ukumakisha amaphepha eempendulo zeemviwo zeSatifikethi seMatriki sikaZwelonke ngoNovemba 2009 namaphepha eemviwo zokuxabangela (supplementary examinations) ngoMatshi 2010. Abamakishi abaziintloko balawula ukumakishwa nokumodareyithwa kwamaphepha eempendulo zeemviwo kwiziko lokumakishela, lo gama iimodareyitha zangaphakathi ziqinisekisa umgangatho wokumakisha.

2. Iikhrayitheriya zokuqeshwa kwabamakishi abaziintloko, amasekela-bamakishi abaziintloko neemodareyitha zezi zilandelayo:
2.1 Ukugqitywa ngempumelelo kwamabanga emfundo yasemva kweMatriki yeminyaka emi-3 ubuncinane kwisifundo esichaphazelekayo eyunivesithi okanye ekholejini
2.2 Ukugqwesa okungqinekayo okanye ubungcali ekufundiseni isifundo esichaphazelekayo
2.3 Uncinane iminyaka esi-8 yamava okufundisa
2.4 Ubuncinane iminyaka emi-5 yamava okufundisa kwiBakala 12 kwisifundo esifundiswayo njengangu nesenzelwa isicelo
2.5 Kwimeko yamasekela-bamakishi abaziintloko, ubuncinane iminyaka emi-5 yamava njengommakishi kwisifundo esenzelwa isicelo
2.6 Kwimeko yeemodareyitha nabamakishi abaziintloko, amava njengemodareyitha kunye/okanye njengommakishi oyintloko kwiminyaka edlulileyo okanye iminyaka emi-5 yamava ubuncinane, ekuvavanyeni kunye/okanye ekumakisheni isifundo esenzelwa isicelo

3. Ziyacelwa iintloko zamaziko emfundo ukuba zikhuthaze ootitshala abazanelisayo ezi mfuno ukuba benze izicelo zezithuba zokuba ngummakishi oyintloko, lisekela-mmakishi oyintloko nemodareyitha yangaphakathi.
4. ISebe liya kutyumba imodareyitha enye, ummakishi oyintloko omnye, nesekela-mmakishi oyintloko elinye kwisifundo ngasinye esinamanani amakhulu abaviwa. Ubungcali namava ekumakisheni iimviwo ezidlulileyo ziya kuba yimiba ephambili eqwalaselwayo ekuya kusekelwa kuyo isigqibo kwiphaneli zokhetho.

5. UKUNGAKUFANELEKI UKUQESHWA

Aba bantu balandelayo abakufanele ukuqeshwa:
5.1 Abantu abanezizalwane (o.k.t. unyana, intombi, umnakwabo okanye umsakwabo) okanye abahlala nomviwa obhala iimviwo zeSatifikethi seMatriki sikaZwelonke noya kuba ebhala iimviwo zeSatifikethi seMatriki sikaZwelonke kweso sifundo kucingwa ukuba senzelwe isicelo.
5.2 Abenzi-sicelo abaza okanye abasele bethathe iphakheji ngokuzithandela okanye ebaza kuthi, ngokuqinisekileyo, bathathe iphakheji.

6. UKUNGENISWA KWEZICELO
6.1 Zonke izicelo mazihambe kunye noku kulandelayo:
  • Isivi (curriculum vitae) yomenzi-sicelo
  • Ikopi yesazisi (ID) eqinisekisiweyo yomenzi-sicelo
  • Iikopi/iikopi eziqinisekisiweyo ze(e)rekhodi yezifundo yomenzi-sicelo
  • Ikopi eqinisekisiweyo yesatifikethi/Iikopi eziqinisekisiweyo zezatifikethi zemfundo yoqeqesho yomenzi-sicelo
  • Ileta ehamba nala maxwebhu athi kuyo umenzi-sicelo anike izizathu zokuba kungani na esenza isicelo seso sithuba
6.2 Izicelo mazithunyelwe kule dilesi ilandelayo:
Head: Education
Western Cape Education Department
Attention: Mr N. Riddles
Directorate: Examinations Administration
Private Bag X9114
Cape Town
8000

Izicelo mazifike kwiSebe ungadlulanga owe-30 Matshi 2009. Ukuba unayo nayiphi na imibuzo kucelwa uqhagamshelane noMnu M. Cameron kule nombolo yefoni 021 467 2964 okanye uMnu N. Riddles kule nombolo yefoni 021 467 2992.


7. Abenzi-sicelo abaphumeleleyo baya kwaziswa ngokuqeshwa kwabo ngokubhalelwa. Emva koko enye imbalelwano emalunga nenkqubo yokumakisha iya kuthunyelwa kubenzi-sicelo abaphumeleleyo.
8. Ifom eqhotyoshelweyo yokuvuma ukuba uyifumene le ngcaciso imfutshane mayizaliswe yinqununu yesikolo okanye ngumphathi weziko lemfundo yabadala ize ibuyiselwe kwiSebe yakuba ifunyenwe le ngcaciso imfutshane.
9. ISebe iWCED lixhomekeke kwintsebenziswano nenkxaso yenu ngokumalunga nalo mbandela ubaluleke kangaka.


ISAYINWE: NGU-LC ARENDSE
INTLOKO: YESEBE LEMFUNDO
UMHLA: 2009:03:18

Annexure A: List of subjects  (ubukhulu: 16 KB)
Application form  (ubukhulu: 37 KB)
Acknowledgement of receipt  (ubukhulu: 12 KB)