1. Iincwadi ezilungiselelwe amanqanaba okwazi ukufunda nemiqulu yokufunda (reading schemes and series packs)
1.1 INgcaciso eMfutshane yeCandelo leKharityhulam i-DCG 0017/2008 yathunyelwa ezikolweni ezikhethiweyo nge-24 Novemba 2008. Inika amagama ezikolo ezingama-250 ezithatha inxaxheba ekuqalisweni kongenelelo ngoncedo loLwazi lokuFunda nokuBhala noLwazi lokuBala (Literacy-Numeracy intervention) ngo-2009.
1.2 Ungenelelo ngoncedo loLwazi lokuFunda nokuBhala noLwazi lokuBala lujoliswe ekuphuculeni izakhono zokufunda eziyimfuneko ekufundeni nasebomini. ISebe iWCED labonelela izikolo ngemiqulu yokufunda ehlelwe ngokwamanqanaba okwazi ukufunda kwizikolo ezithagethiweyo ezaziyinxenye yesigaba sokuqala se-Literacy-Numeracy Training Intervention ngo-2009-2010.
1.3 Izikolo ezafumana uqeqesho kuLwazi lokuFunda nokuBhala zimele ukuqalisa ukusebenzisa ezi ncwadi zilungiselelwe amanqanaba okwazi ukufunda ukususela ngoJanuwari 2010. Izikolo ezafumana uqeqesho kuLwazi lokuBala maziqinisekise ukuba iincwadi zokufunda zigcinwa kwindawo ekhuselekile de zifumane indlela emiselweyo yokuzisebenzisa (methodology) ngoJulayi 2010.
1.4 Kucelwa iinqununu zikungqine ukufumana kwazo iincwadi zokufunda ngokuthi zizalise le fom iqhotyoshelweyo zize ziyingenise kuNks B Claasen kule nombolo yefeksi 021 467 2258 okanye kule dilesi ye-imeyili Brclaasen@pgw.gov.za ungadlulanga uMvulo, we-31 Agasti 2009.
2. Iitshathi zodonga
2.1 INgcaciso eMfutshane yeKharityhulam ye-GET: DCG 0016/2008, yomhla we-17 Novemba 2008, ibhekiselele ekubonelelweni kwazo zonke iiklasi zeSigaba esiPhakathi ngeetshathi zodonga. Injongo yePhulo leZiseko zoKufunda (Foundations for Learning Campaign) kukudala umoya okhuthaza ukufunda kwiklasi nganye.
2.2 Ukwenzela ukunceda izikolo ukuba zenze iiklasi zazo zizale yimifanekiso yokufunda exhonyiweyo, kwakhethwa ziingcali zemfundo iqela leetshathi zodonga ezifikelela kuzo zonke iinkalo zezifundo ukuze zixhonywe kwiiklasi zamaBakala 4 - 6. Izikolo ezifundisa iiklasini ezinamabakala amaninzi (multigrade schools) ziya kufumana iitshathi zodonga eziyi-30, zize ezinye izikolo zikarhulumente eziqhelekileyo zifumane iitshathi eziyi-60. Iitshathi zebakala ngalinye ziyi-20 yaye kufuneka kwabelwane ngazo ziiklasi ukukhuthaza ukufunda ngemifanekiso (visual stimulus).
3. Ziyacelwa iinqununu ukuba zigcine i-inventri yezinto ezifikileyo yaye ziqinisekise ukuba zonke iitshathi zodonga ziyaxhonywa kwiiklasi zeSigaba esiPhakathi.


ISAYINWE: NGU-SM NAICKER
INTLOKO: YESEBE LEMFUNDO
UMHLA: 2009:08:20

"Receipt of material conformation form"  (ubukhulu: 19 KB)