Kuwo onke amanqanaba amabakala, ootitshala bahlangana nabafundi abafumana ingxaki kwimathematika. Zininzi kakhulu izizathu ezingunobangela wezi ngxaki kwaye i-compact disk (CD) eza kuthunyelwa ezikolweni kwakamsinyane nje inika indlela elula yokuqaphela isithintelo umfundi ngamnye anaso ize inike neengcebiso zokujongana naso.

I-CD yeyokusetyenziswa ngootitshala, kungabi ngabafundi. Inika ootitshala oku kulandelayo:

• uncedo ekuqapheleni abafundi abanezithintelo ekufundeni imathematika;
• ingcaciso engaphezulu ngezithintelo ezinokubakho;
• iindlela zokufundisa ezicetyiswayo nezingasetyenziselwa ukunceda umfundi;
• nemizekelo yeewekhishithi (worksheets) ezinokusetyenziswa.

I-CD iya kusiwa kwikota yokuqala yonyaka wesikolo ka-2009 ngolu hlobo lulandelayo:

• Iikomiti zesekethe ziya kunika ngasinye isikolo saseprayimari nesikolo semfundo eneemfuno ezizodwa ikopi enye.
• Abacebisi abanika inkxaso ekufundeni kwisekethe nganye baya kunika utitshala onika inkxaso ekufundeni ikopi enye.

Iikopi zezikolo ezizimeleyo neekopi ezongezelelweyo zinga-odolwa kwa-Edumedia. (inombolo yefoni: 021 689 2641 okanye inombolo yefeksi: 021 685 7421).

Umcebisi onika inkxaso ekufundeni kwisekethe nganye uya kubamba iiseshoni zokunika ingcaciso ngale CD kootitshala. Izikolo ziya kwaziswa ukuba ziya kuqhutywa nini ezi seshoni. Naziphi na iingxaki ezimalunga nokusebenzisa le CD, mazibhekiswe kumlawuli weLAN okanye kumntu onika inkxaso kwi-IT (IT support person).

Ekupheleni kukaFebruwari 2009, izinto ezikwiCD ziya kufumaneka kwiziko lewebhu kule dilesi http://curriculum.pgwc.gov.za/site/121/page/view ootitshala babenako ukongeza kuyo, baze ngokwenjenjalo baphucule esi sibonelelo sixabiseke kangaka. Ootitshala abanezinye iinkqubo zokufundisa eziyimpumelelo neewekhishithi zezithintelo ezahlukeneyo kwimathematika bayacelwa ukuba bagqithise le ngcaciso kuNks Lynette Malan kule dilesi ye-imeyili lymalan@pgwc.gov.za ukwenzela ukuba ingcaciso leyo ifakwe kwiziko lewebhu.

Kucetyiswa ukuba, kwisikolo ngasinye, utitshala makayazise le CD kootitshala abafundisayo nakwabanika inkxaso njengendlela yokwenza ukuba saziwe esi sibonelelo sisebenziseka ngokulula. I-WCED inethemba lokuba le CD iya kuba sisibonelelo esinexabiso kuzo zonke iiprayimari nakootitshala bezikolo zemfundo eneemfuno ezizodwa.