| 1. |
IPhulo leZiseko zokuFunda (Foundations for Learning Campaign), elabhengezwa ngoMatshi 2008, lijolise ekuphuculeni inkqubo yabafundi ekufundeni, ekubhaleni nakulwazi lokubala kuzo zonke izikolo zaseMzantsi Afrika. ISebe i-WCED liye, ke ngoko, laqalisa iprojekthi eyodwa yokuxhobisa izikolo ngeetshathi zodonga (wall charts) ukwenza iiklasi zibe yindawo ezele yimifanekiso efundisayo nethi ikhuthaze umoya wokufunda. Iiklasi zeSigaba seSiseko neSigaba esiPhakathi ziza kunikwa imiqulu yeetshathi zodonga (amaBakala 1 - 6). |
| 2. |
Le miqulu yeetshathi yenziwe ziingcali zekharityhulam yaye kukho kuzo iitshathi zodonga ezinxulumene nezifundo ezahlukeneyo ezikwikharityhulam. Ziyacelwa izikolo ukuba zizalise IsiHlomelo A esiqhotyoshelwe apha ukwenzela ukukhetha umthengisi kuluhlu olukhoyo njengangoku lwabathengisi beencwadi abavunyiweyo liSebe i-WCED. (Uluhlu lwabathengisi lwathunyelwa ezikolweni nge-15 Julayi 2009 neNgcaciso eMfutshane yeCandelo lokuThengwa kweeMpahla neeNkonzo 0011/2009 (Procurement Management Minute 0011/2009.) |
| 3. |
IsiHlomelo A esizaliswe zonke iinkcukacha masifike kuNks Janette Maliqua kwenye yezi dilesi zilandelayo ungadlulanga owe-6 Oktobha 2009:
Idilesi yeeleta ezihanjiswa ngesandla
CTLI Admin Building
Nooiensfontein Road
Kuils River
7580 |
Idilesi yeposi
Private Bag X14
Kuils River
7580 |
|
| 4. |
Umqulu ngamnye uya kuba noluhlu lweetshathi zodonga ezi-odolwe kumthengisi weencwadi. |
| 5. |
Ziyacelwa iinqununu ukuba zizinike ootitshala ezi tshathi zodonga, okanye zidlulisele amagunya okunikwa kootitshala ezi tshathi zodonga. |
ISAYINWE: NGU-SM NAICKER
INTLOKO: YESEBE LEMFUNDO
UMHLA: 2009:09:23
|