| 1. |
INGCACISO EYANDLALELAYO
|
| 1.1 |
I-Census@school yiproject yezemfundo yamazwe ngamazwe, egxila ekuxhobiseni ngendlela yokulungiswa kwedatha, apho abafundi baqokelela ingcaciso engabo. EMzantsi Afrika, i-Census@school project yaqalwa ngo-2001 ngabakwa-Statistics South Africa, ngentsebenziswano neSebe leMfundo likazwelonke.
|
| 1.2 |
I-Census@school project 2009 iya kwenziwa kuzwelonke zizikolo ezikhethiweyo. Le projekthi ibandakanya abafundi ukuqalela kumaBakala 3 - 12 abathatha inxaxheba ekuqokeleleni idatha, ekuyilungiseni nasekuyicazululeni (handling and analysis).
|
| 1.3 |
Ingcaciso eqokelelweyo iya kufakwa kwiziko ledatha likazwelonke, neliya kusebenza njengovimba wootitshala nabafundi ekufundiseni nasekufundeni ukulungiswa kwedatha njengoko kusenziwa kwiindidi ngeendidi zezifundo nakwiinkalo zezifundo.
|
| 1.4 |
Kusayinwe imemorandam yemvumelwano (memorandum of understanding), ecacisa intsebenziswano phakathi kwe-Statistics South Africa neSebe leMfundo kwi-Census@ school project.
|
| 2. |
IINJONGO ZALE PROJEKTHI
Iinjongo zale projekthi zezi zilandelayo:
|
| 2.1 |
Kukwenza kwaziwe indlela ubalo-bantu (census) kuzwelonke olwenziwa ngayo noncedo lwalo eluntwini
|
| 2.2 |
Ukukhulisa izakhono zolwazi lwabafundi kwiinkcukacha-manani nakulwazi lokubala (statistical and numerical literacy skills)
|
| 2.3 |
Ukuphucula izakhono zabafundi zokulungisa idatha
|
| 2.4 |
Ukubonelela ngezinto ezisetyenziswa kwiimeko ezithile (contextual materials) kootitshala nakubafundi ukuze zisetyenziswe ekufundiseni nasekufundeni.
|
| 3. |
AMALUNGISELELO OKWENZIWA KWALO MSEBENZI ENTSHONA KOLONI
|
| 3.1 |
I-Statistics South Africa ikhethe ngokungacwangciswanga (randomly) izikolo eziyi-218 eNtshona Koloni ukuba zithathe inxaxheba kule projekthi (Funda isiHlomelo A). Ulwabiwo lwezikolo kuzo zonke ii-ofisi zezithili zemfundo lumi ngolu hlobo lulandelayo:
| | I-OFISI YESITHILI SEMFUNDO | INANI LEZIKOLO |
| 1 | Metro Central | 29 |
| 2 | Metro East | 22 |
| 3 | Metro North | 32 |
| 4 | Metro South | 29 |
| 5 | Eden & Central Karoo | 30 |
| 6 | Overberg | 39 |
| 7 | West Coast | 17 |
| 8 | Cape Winelands | 20 |
| | Zizonke | 218 |
|
| 3.2 |
I-ofisi yengingqi ye-Statistics South Africa iqeshe iqela labasebenzi abajikelezayo (field workers) kwisithili ngasinye ukuba baqalise ngale projekthi kwezi zikolo ziyi-218.
|
| 3.3 |
Aba basebenzi baya kuzisa iikhweshine ezikolweni ungagqithanga owe-23 Matshi 2009.
|
| 3.4 |
Kwakhona aba basebenzi baya kuqhagamshelana nabacebisi ngezekharityhulam beMathematika noLwazi lweMathematika ukwenzela ukuba bancedise izikolo kule projekthi.
|
| 3.5 |
Ziyacelwa iinqununu ukuba zibekele bucala ithuba elingangeyure e-1 kwiveki yokugqibela yekota yokuqala ka-2009, nalapho bonke abafundi abakumaBakala 3 - 12 baya kuzalisa ikhweshine. Ootitshala bavumelekile ukuba babalungiselele lo msebenzi abafundi ngokuthi babanike i-worksheet ebayalela ukuba baqokelele inxalenye yedatha ngosuku oluphambi kokuzaliswa kwekhweshine, umz. umgama ukusuka ekhaya ukuya esikolweni.
|
| 3.6 |
Abasebenzi abajikelezayo baya kuqokelela iikhweshine ezizalisiweyo ukuqalela kwi-2 kuye kwi-6 Apreli 2009.
|
| 3.7 |
Ukuba izikolo ziye zafuna nayiphi na ingcaciso engaphezulu, zicetyiswa ukuba ziqhagamshelane noDesiree Timmet, ongumququzeleli wephondo we-Maths4stats we-Statistics South Africa. Iinkcukacha zakhe zoqhagamshelwano zezi zilandelayo:
I-imeyili: desireet@statssa.gov.za
Ifoni: 021 423 1040
Ifeksi: 086 623 8583
Iselula: 083 641 0128
|
ISAYINWE: NGU-SM NAICKER
INTLOKO: YESEBE LEMFUNDO
UMHLA: 2009:03:19
|