1. |
ISebe leMfundo leNtshona Koloni (i-WCED) lisigqibile iSigaba 2 sokwenziwa kwe-inventri yayo esekhompyutheni (online inventory) kwaye izikolo zingazizalisa ngoku ii-inventri zazo nekhweshine ye-WCED esekhompyutheni. |
2. |
Ukulungiselela le njongo, i-WCED iza kunika zonke izikolo ezifundisa iFizikhali Sayensi kumaBakala 10 - 12 indlela yokwazi ukufikelela kwi-inventri esekhompyutheni ukususela nge-16 Novemba 2009 ukuya kwi-12 Matshi 2010. |
3. |
Izikolo zingafikelela kwi-inventri esekhompyutheni ngokusebenzisa inombolo ye-CEMIS ne-pin yazo. |
4. |
Idatha evela ezikolweni ezazingenise iikhweshine nee-inventri zazo ezizalisiweyo kwangethuba sele ifakiwe ekhompyutheni. Ezi zikolo kufuneka ke ngoko zihlaziye nje kuphela idatha yazo emalunga nestokhwe sazo esikhoyo ngoku. |
5. |
Izikolo ezisaleleyo kuya kufuneka ziyizalise ngokwazo yonke ikhweshine ne-inventri esekhompyutheni. |
6. |
Ikhweshine ne-inventri ezizalisiweyo mazifakwe ekhompyutheni zizo zonke izikolo ze-WCED ezifundisa iFizikhali Sayensi kumaBakala 10 - 12 ungadlulanga owe-12 Matshi 2010. Emva koko izikolo mazihlaziye ikhweshine ne-inventri yazo qho, ubuncinane kanye ngenyanga. |
7. |
Abacebisi ngezekharityhulama kwizithili ngezithili baqeqeshiwe ukuba banike uncedo ezikolweni zabo kwaye makuqhagamshelwane nabo xa kufunwa uncedo. |
9. |
Phambi kokuba isikolo sifake idatha yaso ekhompyutheni, masibe nekopi eliphepha ezaliswe zonke iinkcukacha ze-inventri yaso nekhweshine yaso. Iikopi ezingamaphepha ze-inventri nekhweshine kunye ne-User Guide zingakotshwa ekhompyutheni (can be downloaded) kwiziko lewebhu leFizikhali Sayensi apha http://curriculum.pgwc.gov.za/site/52/page/view. Emva kokuba ulivulile eli ziko lewebhu, klikha nje kuphela ku-"Events".
|
10. |
I-WCED ibulela bonke abachaphazelekayo ngentsebenziswano yabo kwaye ivakalisa umbulelo ongazenzisiyo kwi-Centre for e-Innovation ngokudizayina le inventri esekhompyutheni. |
11. |
Kucelwa wazise okubhalwe kule ngcaciso imfutshane ootitshala abafundisa iFizikhali Sayensi ukuze bakuthathele ingqalelo. |
ISAYINWE: NGU-SM NAICKER
INTLOKO: YESEBE LEMFUNDO
UMHLA: 2009:11:12
|