| 1. |
Kwiinzame zokuncedisana nabaviwa beBakala 12 abalungiselela iimviwo zika-2009 zeSatifikethi seMatriki sikaZwelonke (National Senior Certificate examinations), iSebe leMfundo leNtshona Koloni (WCED) liya kusebenzisa izikhululo zeradiyo ukucacisa nokusasaza iiprogram ezigxile kwizifundo zeemviwo zeBakala 12 namacebo okuzilungiselela iimviwo. |
| 2. |
Ezi program ziya kusasazwa zezi zikhululo zeradiyo zilandelayo:
| |
Radio Zibonele (Ngomvulo Nangolwesithathu)
Bush Radio (Ngolwesibini Nangolwesine)
Radio Eden FM (Ngolwesibini Nangolwesine)
West Coast Radio (Ngomvulo Nangolwesithathu) |
|
| 3. |
Izikolo ezingakwaziyo ukufikelela kumaza omoya esinye sezi zikhululo zeradiyo ziya kunikwa iiprogram ezirekhodiweyo neziye zahlelwa kwi-CD. |
| 5. |
Ngethuba losasazo ngqo lwezi zifundo, abaviwa baya kufumana ithuba lokufona babuze imibuzo kwabenza inkcazo-ntetho. |
| 6. |
Abaviwa, ootitshala nabazali banako ngokunjalo ukungenisa imibuzo ephathelele kwiimviwo zeBakala 12 ngokuyithumela nge-imeyili apha matric09@pgwc.gov.za Imibuzo yabo iya kuphendulwa ngabacwangcisi bezekharityhulam abakhulu nabacebisi bezifundo. |
| 7. |
Kuya kufumaneka iiprogram zeradiyo kwezi zifundo zilandelayo:
| |
English Home Language
English First Additional Language
Afrikaans Home Language
Afrikaans First Additional Language
Xhosa Home Language
Mathematics
Mathematical Literacy
Accounting
Life Sciences
Physical Sciences
History
Economics
Business Studies
Geography
Agricultural Sciences |
|
| 8. |
Bavumelekile nabo abaviwa ukuba bathumele imibuzo nge-imeyili emalunga nezifundo zeSatifikethi seMatriki sikaZwelonke ezingekhoyo kolu luhlu lulapha ngasentla, bayithumele apha matric09@pgwc.gov.za |
| 9. |
Ezi program ziya kusasazwa ukususela ngoMvulo kuye kutsho ngoLwesine - ixesha 15:30.
|
| 10. |
ISebe leMfundo leNtshona Koloni libanqwenelela okuhle kodwa bonke abaviwa beBakala 12 kumalungiselelo abo eemviwo zokuphela konyaka.
|
| 11. |
Uyacelwa wazise okubhalwe kule ngcaciso imfutshane bonke ootitshala nabaviwa beBakala 12 ukuze bakuthathele ingqalelo.
|
ISAYINWE: NGU-SM NAICKER
INTLOKO: YESEBE LEMFUNDO
UMHLA: 2009:08:17
|