| 1. |
Inkcazo ngemvelaphi yoku |
| 1.1 |
Isicwangciso seMST kwiSebe leMfundo leNtshona Koloni (Western Cape Education Department (WCED) sijolise ekwandiseni uthatho-nxaxheba nokupasa kwabafundi kwiMathematics nePhysical Sciences. |
| 1.2 |
Injongo yoku kukunika inkxaso abafundi ukuze baphumelele ngereyithi engu-50% nangaphezulu kuzo zombini ezi zifundo. |
| 2. |
Ukuncediswa kwabafundi abangamaqelana
|
| 2.1 |
Elinye lamaphulo ongenelelo ngoncedo ukuze kufikelelwe kwezi njongo zingentla kukongezelela ukufundiswa kwabafundi abakhethiweyo beBakala 12 abapase phakathi ko-39% no 49% kwiimviwo zikaJuni 2009. |
| 2.2 |
ISebe iWCED liya kuqesha ootitshala beMathematics neSciences abanamava neengcali ukuba bazifundise abafundi abangamaqelana ana-15 - 20 yabafundi beMathematics neSciences. |
| 2.3 |
Eli phulo liya kuqala ngo-Agasti kwaye liya kubonelela ngeeseshoni zokufundisa eziyi-10 ezibude buziiyure ezi-2 kwisifundo ngasinye ngeentsasa zeMigqibelo okanye ngamaxesha asemva kwemini ukuphuma kwesikolo. |
| 3. |
Ukuqeshwa kwabafundisayo (tutors)
|
| 3.1 |
Bayacelwa ootitshala beMathematics kunye/okanye beSciences beBakala12 ukuba bafake izicelo zokuba baqeshwe njengabafundisayo kule nkqubo.
|
| 3.2 |
Abenzi-sicelo abaphumeleleyo baya kuhlawulwa ama-R300,00 ngeyure.
|
| 3.3 |
Kuqhotyoshelwe apha ifom yokwenza isicelo (IsiHlomelo A) ekufuneka isetyenziselwe le njongo. Iifom zesicelo mazithunyelwe kuMs M Sasman, ukuze aziqwalasele, kule nombolo yefeksi: 021 467 2620 okanye zithunyelwe kule dilesi ye-imeyili: msasman@pgwc.gov.za ukuze zifike kwiSebe leWCED ungadlulanga uLwesihlanu, we-7 Agasti 2009. |
| 4. |
Kucelwa wazise okukule ngcaciso imfutshane bonke ootitshala beMathematics nePhysical Sciences abasesikolweni sakho, ukuze bakuthathele ingqalelo. |
ISAYINWE: NGU-SM NAICKER
INTLOKO: YESEBE LEMFUNDO
UMHLA: 2009:08:04
|