INGCACISO EMFUTSHANE YECANDELO LOPHUHLISO LWEKHARITYHULAM YE-FET: 0025/2009 |
IYA: | KUBALAWULI ABAZIINTLOKO, KUBALAWULI (KWANDLUNKULU NAKWII-OFISI ZEZITHILI ZEMFUNDO), KUBAPHATHI BEEKOMITI ZEESEKETHE, KUBACEBISI NGEZE-IMG, KUBAPHATHI BEKHARITYHULAM, KUBACEBISI NGEZEKHARITYHULAM BE-HISTORY NE-SOCIAL SCIENCES NAKWIINTLOKO ZAMAZIKO EMFUNDO ESEBE I-WCED AFUNDISA AMABAKALA 8 - 12 |
| UKHUPHISWANO LOKUBHALA ISINCOKO SE-ECONOMICS NGABAFUNDI ABAKWIBAKALA 11 NGO-2009/2010 BASENTSHONA KOLONI |
ICandelo likaNondyebo wePhondo leNtshona Koloni (Western Cape Provincial Treasury), ngokusebenzisana neNedbank neSebe leMfundo leNtshona Koloni (WCED), ngokwenjenje licela izikolo ukuba zingenele olu khuphiswano Western Cape Economics Essay Writing Competition.
| 1.1 |
UNedbank ubesoloko ethatha inxaxcheba ephambili kumaphulo okuphakamisa nokuphucula umgangatho wentlalo yoluntu (community upliftment and improvement) kwiminyaka embalwa edlulileyo njengenxalenye yeSocial Responsibility Programme yakhe.
|
| 1.2 |
Ngokumalunga noku uNedbank uye waququzelela ukhuphiswano iNedbank and Old Mutual Budget Speech Competition kuzwelonke.
|
| 1.3 |
Ngenxa yempumelelo yolu khuphiswano, iSebe leMfundo leNtshona Koloni neProvincial Treasury bathethe noNedbank ukuba ancede abambisane nabo ekuququzeleleni ukhuphiswano lokubhala isincoko kwiphondo eli.
|
| 1.4 |
Ukhuphiswano luya kuxhaswa ngemali nguNedbank.
|
| 1.5 |
Uthatho-nxaxheba kolu khuphiswano luya kunika abafundi beBakala 11 ithuba lokuba bafumane iibhasari nezinye izinto ezikhuthaza ukuba baqhubeke nezifundo zabo kwinkalo zezifundo ze-Economics, iAccounting neMathematics emva kwematriki.
|
| 2. |
Iinjongo zolu khuphiswano:
Ngokuthatha inxaxheba kolu khuphiswano iProvincial Treasury ifuna:
- Ukuvuselela ulwazi ngemiba yentlalo nezoqoqosho eMzantsi Afrika
- Ukuphulisa iinkokeli zangomso kwizifundo ze-Economics, iMathematics ne-Accounting
- Ukukhuthaza ukusetyenziswa kolwazi nezakhono kwizifundo ze-Economics, iMathematics, ne-Accounting
Qaphela: Bayakhuthazwa ootitshala ukuba basebenzise esi sincoko njengeProjekthi yoPhando (Research Project), njengenxalenye yemisebenzi yoVavanyo yeProgram ye-Economics (Economics Programme of Assessment) kwabo bafundi bathatha inxaxheba.
|
| 3. |
Imihla eBekiweyo namanqanaba othatho-nxaxheba
|
| 3.1 |
Olu khuphiswano luya kuqhutywa ukususela kuJuni 2009 ukuya kuMatshi 2010.
|
| 3.2 |
Ukukhetha abaphumeleleyo kuya kuqhutywa ngokwamanqanaba amathathu angala: esikolweni, kwisithili semfundo nakwiphondo
|
| 4.1 |
Olu khuphiswano lwenzelwe abafundi beBakala 11 abenza iEconomics, iMathematics ne-Accounting.
|
| 4.2 |
Aba bafundi kufuneka bapase ubuncinane ngenqanaba 5 (60%) kwezi zifundo zithathu ukuze babenako ukuthatha inxaxheba kolu khuphiswano.
|
| 4.3 |
Ukongeza apho abafundi abachongelwe ukuthatha inxaxheba kufuneka babe sele bekwiBakala 11 kwaye bepasa ngeli nqanaba neliya kuqinisekisa ukudlulela kwabo eyunivesithi ekupheleni kweBakala 12 ngo-2010.
|
| 4.4 |
Abafundi abazuza i-70% nangaphezulu kwisincoko nakwinkcazo-ntetho (presentation) ngaso amanqaku edityanisiwe, baya kufaneleka ukuthatha inxaxheba kwinqanaba elilandelayo.
|
| 5. |
Ukukhethwa kwabaphumeleleyo
|
| 5.1 |
Ukukhethwa kwabaphumeleleyo esikolweni kuya kwenziwa yikomiti yootitshala, enyulwe yinqununu, enootitshala abathathu ubuncinane (kubandakanywa nootitshala be- Economics, abeEnglish Home Language nabeMathematics okanye i-Accounting). Baya kusebenzisa irubrikhi eyi-analytical rubric abayinikelwe le njongo. Isincoko neemakhishithi zabo bonke abafundi abafumene i-70% mazingeniswe kwi-ofisi yesithili semfundo ukulungiselela uvavanyo kwinqanaba lesithili semfundo.
|
| 5.2 |
Ukukhethwa kwabaphumeleleyo kwinqanaba lesithili kuya kwenziwa ligqiza labacebisi ngezekharityhulam, elenziwe ngabacebisi ngezekharityhulam be-Economics, English Home Language nabeMathematics okanye abe-Accounting). Izincoko ezilishumi ezigqwesileyo (kunye neemakhishithi) kwisithili semfundo ngasinye ziya kudluliselwa phambili ukwenzela ukuba kukhethwe eziphumeleleyo kwinqanaba lephondo.
|
| 5.3 |
Abagqwese kumjikelo wokugqibela wephondo (provincial finalists) abayi-20 baya kuchongwa ligqiza lokhetho lokugqibela eliya kuba nabameli baseNedbank, beProvincial Treasury nabeSebe iWCED.
|
| 5.4 |
Abagqwesileyo bokugqibela (finalists) abayi-15 baya kucelwa ukuba beze kwinkqubo yokhetho yokugqibela (final selection process), eya kubanjelwa eKapa ngoSeptemba 2009. Apha baya kucelwa ukuba benze inkcazo-ntetho yomlomo (oral presentations) ngeziphumo zabo zophando nokuba baphendule imibuzo ebuzwa ligqiza labagwebi. Inani lamabhaso liya kuxhomekeka kwindlela aqhube ngayo umfundi ngamnye kwabagqwesileyo kumjikelo wokugqibela.
|
| 6. |
Amabhaso
Abaphumeleleyo baya kufumana umfundi ngamnye ibhasari yeminyaka emithathu kwizifundo ze-Commerce zemfundo ephakamileyo emva kwematriki (tertiary studies) nakweyiphi na iYunivesiti evunyiweyo eNtshona Koloni kwakunye nebhaso lemali eya kuba luncedo kunyaka wabo weBakala 12.
|
| 7. |
Iibrowutsha zengcaciso ziya kunikwa izikolo ekuqaleni kwekota yesithathu kunye neenkcukacha ezipheleleyo ngesihloko sesincoko, irubrikhi yovavanyo neemfuno ezimiselweyo zokungenela ukhuphiswano. Isikhokelo sokubhala isincoko esisemgangathweni sinokufunyanwa ngootitshala nabafundi kwiziko lewebhu le-Economics leWCED apha: http://curriculum.pgwc.gov.za/site/33/page/view/1442
|
| 8. |
Bayakhuthazwa abafundi ukuba basifunde baze basisebenzise esi sikhokelo ukuze baqinisekise ukuba baya kuqhuba kakuhle kukhuphiswano.
|
| 9. |
Ziyacelwa iinqununu ukuba zazise okuqulethwe yile ngcaciso imfutshane bonke ootitshala beBakala 11 be-Economics, iMathematics ne-Accounting ukuze bakuthathele ingqalelo.
|
ISAYINWE: NGU-SM NAICKER
INTLOKO: YESEBE LEMFUNDO
UMHLA: 2009:06:26
Grand Central Towers, Lower Parliament Street, Private Bag X9114, Cape Town 8000
Nceda ubhale iimombolo zesalathisa kuyo yonke imbalelwano
Safe Schools: 0800 45 46 47
CLIENT CALL CENTRE: 0861 92 33 22
|
