| 1. |
Njengoko bonke ootitshala besifundo soLwazi ngezoBomi kufuneka bazithembe yaye babe nolwazi ngamakhondo emisebenzi (career guidance) abawafundisa abafundi, iSebe leMfundo leNtshona Koloni (WCED) lenza amalungiselelo okuqeqesha ootitshala besifundo soLwazi ngezoBomi ekufundiseni. |
| 2. |
Ikhosi yoqeqesho kwiprogram yePACE: Advise and Refer iya kwenzelwa ootitshala bamaBakala 10 - 12 abangalufumananga uqeqesho kule program ngaphambili. Le khosi yeentsuku ezi-3 iya kuqhutywa nge-29 ne-30 Septemba nange-1 Oktobha 2009. |
| 3. |
Le khosi iya kulandelwa yikhosi yosuku olunye ekuthiwa yi-School-to-Work nge-2 Oktobha 2009. |
| 4. |
Kucelwa utitshala we-FET omnye kwisikolo ngasinye ukuba aye kwiikhosi ezithatha iintsuku ezine. |
| 5. |
Iikhosi ze-FET ziya kuqhutyelwa eSarepta Senior Secondary School e-Kuils River nase-Esselenpark Senior Secondary School, Buitenkant Street, e-Worcester.
|
| 6. |
Zonke iikhosi ziya kuqala ngqo ngo-8:30 kusasa zize ziphele ngo-16:00 emva kwemini. |
| 7. |
Ootitshala abasuka kwizithili zasemaphandleni baya kubuyiselwa ngeendleko zohambo. Ootitshala abanenjongo yokwenza amabango ngezi ndleko mababe nale ngcaciso ilandelayo beze nayo ekhosini:
- Inombolo yePESALI;
- Ubukhulu benjini yesithuthi nonyaka wokwenziwa kwaso;
- Umgama ngeekhilomitha wokusuka esikolweni ukuya kwindawo ekuyo ikhosi.
|
| 8. |
Ootitshala abasuka kwizithili zasemaphandleni abafuna indawo yokuhlala mabazenzele amalungiselelo abo. Aba titshala mabangenise amabango abo phambi kokuba bahambe ngosuku lwekhosi. |
| 9. |
Makuzaliswe ifom yobhaliso ngutitshala ngamnye. Ziyacelwa iinqununu ukuba zibuyise ngefeksi ifom yobhaliso ezalisiweyo, isiHlomelo A, ziyithumele kuNksk DJ Christiaans, kule nombolo 021 467 2258, ungadlulanga owe-14 Septemba 2009 |
| 10. |
Ziyakhunjuzwa iinqununu ukuba ukuya kwezi khosi zingasentla kunokuthathelwa ingqalelo xa kuzaliswa ii-IQMS zootitshala. |
| 11. |
Ziyacelwa iinqununu ukuba zazise okubhalwe kule ngcaciso imfutshane bonke ootitshala besifundo soLwazi ngezoBomi. |
| 12. |
Kucelwa uqhagamshelane noNksk D Christiaans, ngale nombolo yefoni 021 467 2589 okanye ngale dilesi ye-imeyili dchristi@pgwc.gov.za ukufumana ingcaciso engaphezulu. |
ISAYINWE: NGU-SM NAICKER
INTLOKO: YESEBE LEMFUNDO
UMHLA: 2009:06:19
|