| 1. |
Le thayimthebile iqhotyoshelweyo yoviwo lukaJuni 2009 lweMfundo yaBadala kwiNqanaba 4 ifike ivela kwiSebe leMfundo likazwelonke. Uviwo luya kuqala ngomhla woku-1 Juni 2009 luze luphele nge-22 Juni 2009. Ngeemini ezithile iimviwo ziya kubhalwa ngo-9:00, lo gama ngezinye iimini ziya kuqala ngo-14:00. Njengoko ezi mviwo ziyinkqubo eyenzeka kwizwelonke, imihla namaxesha ayafana kwilizwe lonke yaye akusayi kuvunyelwa konke konke ukutenxa kule thayimthebile yamaxesha okubhala.
|
| 2. |
Njengangaphambili, ngamagosa akwizithili zemfundo, akwaNdlunkulu nabameli baka-Umalusi abaya kubeka esweni (monitor) inkqubo yokubhalwa koviwo. La magosa makavunyelwe abeke esweni iimviwo kuphela xa athe avelisa ileta ewagunyazisayo ukuba enze oko egameni lee-ofisi zawo.
|
| 3. |
Ukuba uvavanyo lwenzelwa kumasango esikolo esiqhelekileyo, umphathi weziko lemfundo yabadala makenze amalungiselelo kwangoko okuba kusetyenziswe igumbi elinqatyisiweyo, isakhiwo sezolawulo, amagumbi okufundisela namancedo ezindlu zangasese njl. njl.
|
| 4. |
Makancede amaziko aqinisekise ukuba abagadi babaviwa abaziintloko nabagadi babaviwa bawo baqeqeshiwe ncam yaye bayakwazi ukukusingatha ngempumelelo ukuqhutywa koviwo.
|
| 5. |
Ngumsebenzi womphathi weziko lemfundo ukusingatha yonke imibandela yezolawulo. Ngako oko ke, bonke abaphathi bamaziko mababe kumaziko oviwo phambi kokuqala kweseshoni nasekupheleni kweseshoni yoviwo nganye.
|
| 6. |
Akukho mntu makavunyelwe ukuba angene kwindawo ekubhalelwa kuyo uviwo ngaphandle kokuba aqale avelise isazisi (ID) okanye ileta yokuvunyelwa ukubhala uviwo.
|
| 7. |
Bayacelwa abaphathi bamaziko emfundo yabadala ukuba:
|
| 7.1 |
Banike bonke ootitshala nabaviwa ithayimthebile ngokukhawuleza ukwenzela ukuba babe nako ukwenza izicwangciso zokugqibela zoviwo;
|
| 7.2 |
Bakhumbuze bonke abaviwa babo ukuba kufuneka bavelise izazisi zabo neeleta zokuvunyelwa ukubhala uviwo, phambi kokuba kuqale iseshoni yoviwo nganye ukuze kuthintelwe ukuba abaviwa bazenze abanye abaviwa abangengabo (impersonation). Ukuba umviwa uvunyelwe ukuba abhale uviwo ngaphandle kwesazisi esisemthethweni (valid identity document) neleta yokuvunyelwa ukubhala uviwo, eso senzo siya kuthathwa njengesitenxo (irregularity), ngokuxhomekeka ekuqhutyweni kophando lwesebe ngaso malunga nokuvumeleka ngokusemthethweni komviwa owabhala olo viwo.
|
| 8. |
Kucelwa nibanqwenelele bonke abaviwa impumelelo kwiimviwo zabo egameni leSebe leMfundo leNtshona Koloni.
|
ISAYINWE: NGU-T SINGH
INTLOKO: YESEBE LEMFUNDO
UMHLA: 2009:04:01
|