1. |
Le yengcaciso imfutshane ithatha indawo yeNgcaciso eMfutshane yeCandelo loPhuhliso lweKharityhulam 0052/2007, eyayimalunga nobume be-Mathematics Paper 3 kuviwo olukwinqanaba leBakala 12.
|
2. |
Imigangatho yovavanyo yeMathematika, njengoko icaciswe kolu xwebhu lomgaqo-nkqubo, Subject Statement for Mathematics, yahlulwe yaba yimigangatho yovavanyo engundoqo (core assessment standards) nemigangatho yovavanyo eyenziwa ngokuzithandela (optional standards).
|
3. |
Imigangatho yovavanyo eyenziwa ngokuzithandela njengangoku ivavanywa ngoviwo olwenziwa ngokuzithandela kwiphepha le-Mathematics Paper 3. Ekuqaleni kwakucingelwa ukuba imigangatho yovavanyo eyenziwa ngokuzithandela iya kwenziwa ibe yenyanzelekileyo kubo bonke abafundi abafunda iMathematika ukususela ku-2011.
|
4. |
Kodwa ke kuthe, emva kokuwujongisisa nzulu lo mba, iSebe leMfundo kuzwelonke lafikelela kwisigqibo sokuba ayisayi kwenziwa ibe yenyanzelekileyo imigangatho yovavanyo eyenziwa ngokuzithandela kwiBakala 12 ngethuba lale minyaka izayo sijonge kuyo.
|
5. |
Ngenxa yesi sizathu, i-Mathematics Paper 3 iya kuhlala iliphepha elenziwa ngokuzithandela.
|
6. |
Nakuba kunjalo, ziyakhuthazwa izikolo ukuba zilifundise eli phepha le-Mathematics Paper 3 kubafundi abanqwenela ukwandisa ulwazi lwabo lwemathematika.
|
7. |
Uyacelwa ukuba wazise okukule setyhula bonke ootitshala beMathematika bamaBakala 10 ukuya ku-12, kwakunye nabafundi abakuloo mabakala, ukuze bakuthathele ingqalelo.
|
ISAYINWE: NGU-T SINGH
INTLOKO: YESEBE LEMFUNDO
UMHLA: 2009:03:30
|