1.1 |
NgoSeptemba 2007, iBhunga laBaphathiswa beMfundo (Council of Education Ministers) (CEM) lagqiba ekubeni abafundi beBakala 9 banikwe iSatifikethi seMfundo Ngokubanzi (General Education Certificate (GEC)) ukususela ngo-2010.
|
1.2 |
Isiqinisekiso se-GEC sabhaliswa nge-22 Oktobha 2008 kwiGunya leZiqinisekiso laseMzantsi Afrika (South African Qualifications Authority) kwiNqanaba 1 le-NQF.
|
1.3 |
Kwiminyaka emithathu ezayo, isebe lemfundo likazwelonke namasebe emfundo amaphondo aya kuthathela ingqalelo indlela yokomeleza uvavanyo lwe-GEC kumagumbi okufundisela, ukunikwa kootitshala imizekelo yovavanyo olululo, ukukhutshwa kwe-GEC ekupheleni kweBakala 9 nokuphuhliswa kovavanyo lwangaphandle ngempumelelo kuwo onke amabakala.
|
1.4 |
Kulungiswa iinkqubo zovavanyo ukwenzela ukuphumeza i-piloti ye GEC ngokupheleleyo yi Ntshona Koloni Kuloo nyaka ka 2009.
|
1.5 |
Olu xwebhu National Policy on Assessment and Qualifications for Schools in the General Education and Training Band (GET) njengangoku luyaphononongwa kwakhona kwaye oku kungabandakanya ukubhalwa ngokutsha kweSahluko 2 ukwenzela ukuba lubandakanye umgaqo-nkqubo we-GEC. Ukongeza, iimfuno zokupasa ukuqalela kumaBakala 1 - 9 zifakelwe izilungiso. Olu xwebhu sele lusasaziwe ukwenzela ukuba uluntu luphawule ngalo ngokuthi lunike iimbono zalo ngalo. Lwakuba nje lufakwe kwigazethi luya kuba nokufumaneka kuzo zonke izikolo ngokukhawuleza emva koko.
|
1.6 |
Onke amaphepha emibuzo oviwo lwe-GEC aya kusetwa liSebe leMfundo kazwelonke (DOE).
|
1.7 |
Isigaba sokuqala semisebenzi yovavanyo ekumgangatho omnye (standardised assessment tasks) esetwa ngaphandle (CTA, iCandelo A) siya kwenziwa kwiKota 2 (ngoMeyi - Juni 2009) ukwenzela ukunika ootitshala isikhokelo kwimigangatho efanelekileyo yovavanyo yeBakala 9.
|
1.8 |
Isigaba sesibini semisebenzi yovavanyo esetwa ngaphandle (CTA, iCandelo B) siya kwenziwa kwiKota 4, ngokungqinelana nethayimthebile enyanzelekileyo (compulsory timetable) esetwa yi-DOE kazwelonke. Imihla ecetywayo yokuqhutywa kwe-CTA, iCandelo B iqalela kwi-20 Novemba 2009 de kuye kwi-4 Disemba 2009.
|
2.1 |
Olu xwebhu WCED Regulatory Framework for the Conduct, Administration and Management of the CTA lwanikwa izikolo ngo-2008. Injongo yolo xwebhu kukuqinisekisa ukuba zonke iinqununu, ootitshala namagosa bonke babe nolwazi olufanayo lweenkqubo neendlela zokwenziwa kwee-CTA. Olu xwebhu luya kufakelwa izilungiso ukuze lulungiselele ne-GEC.
|
2.2 |
Imigaqo yokumodareyitha yeSebe i-WCED yovavanyo oluqhubekela esikolweni iya kuthunyelwa kuzo zonke izikolo kungekudala. Le migaqo yokumodareyitha icacisa iinkqubo zokubeka esweni nokumodareyitha (monitoring and moderation) kwinqanaba leeklasta, kwizithili nakwiphondo.
|
2.3 |
Izithili nezikolo ziya kwaziswa qho ngezinto eziqhubekayo (regular updates) zeenkqubo neendlela zokwenziwa kovavanyo lweBakala 9, kubandakanywa nokufakwa kwikhompyutha kweziphumo zeBakala 9 ngo-2009, zakuba nje zifakwe kwigazethi.
|
3. |
UTHATHO-NXAXHEBA ZIZITHILI ZEMFUNDO
|
3.1 |
Abaphathi bezithili zemfundo kufuneka baqinisekise ukuba ingcaciso yakutshanje nge-GEC yaziswe bonke abo bachaphazelekayo.
|
3.2 |
Ukumodareyitha nokubeka esweni ngokungqongqo, kwakunye nenkxaso eyiyo yezikolo, kufuneka zisekelwe kwimigaqo-nkqubo kazwelonke neyephondo ukuqinisekisa ukunyaniseka nokuthembakala kwe-GEC.
|
3.3 |
Izikolo mazingenise zonke izicelo zokutshintshwa apha naphaya kwamaphepha ukulungiselela iimeko azithile egameni labafundi abafumana izithintelo ekufundeni kumququzeleli wovavanyo wesithili kwi-ofisi yesithili semfundo nganye ungadlulanga owe-31 Matshi 2009. Ezi zicelo mazivunywe (be approved) ziikomiti zokunika inkxaso ezikwizithili zemfundo. Umququzeleli wovavanyo wesithili makangenise isishwankathelo sazo zonke izicelo ezivunyiweyo kule dilesi ilandelayo ungadlulanga owe-3 Apreli 2009:
Mr André Clausen
Director: Examinations Administration
Western Cape Education Department
Room 512
Grand Central Towers
Lower Parliament Street
Cape Town
8001
Ifoni: 021 467 2945
|
4.1 |
Ziyacelwa izikolo ukuba zincede zihlaziye ngokukhawuleza iirekhodi zazo zabafundi kwi-CEMIS ungadlulanga owe-31 Matshi 2009. Makuqwalaselwe ngakumbi ukubhaliswa ngokuchanekileyo kwamanqanaba eelwimi ezahlukeneyo ezifundwa ngumfundi ngamnye.
|
4.2 |
Inani lamaphepha emibuzo aya kusiwa ezikolweni kuzo zonke iinkalo zezifundo, ngaphandle kweelwimi, liya kusekelwa kulwimi lokufunda nokufundisa lwesikolo, nekufuneka lubhalwe ngokucacileyo kwi-CEMIS.
|
4.3 |
Ubungakanani bamaphepha emibuzo eBakala 9, iimemoranda, iincwadi zokufundwa (resource books) nezinye izixhobo zovavanyo eziya kusiwa ezikolweni ukulungiselela ii-CTA, amaCandelo A no-B, ziya kusekelwa kubhaliso kwi-CEMIS. ISebe iWCED aliyi kusa zinto zokubhala zongezelelweyo ngenxa yokubhaliswa ngokungachanekanga kweenkcukacha zabafundi.
|
4.4 |
Ukumakisha, ukumodareyitha kwangaphakathi esikolweni nokurekhodwa kovavanyo kuya kuqhubekela esikolweni.
|
5. |
ISIPHELO
Amagosa ezithili zemfundo, abaphathi bezekharityhulam neenqununu bonke bayacelwa ukuba bazise okubhalwe kule ngcaciso imfutshane bonke abachaphazelekayo ukuze bakuthathele ingqalelo.
|
ISAYINWE: NGU-T SINGH
INTLOKO: YESEBE LEMFUNDO
UMHLA: 2009:03:17
|