| 1.1 |
IGazethi kaRhulumente 29626 ye-12 Februwari 2007, icacisa ukuba iCTA iya kuba kukuphela kovavanyo lweBakala 9 olwenziwa ngokulandela imigaqo (only formal Grade 9 assessment) kwikota 4. Zonke izikolo ngo-2009 kwakufuneke ukuba zibhale iCTA: iCandelo A ukuqala nge-5 Oktobha 2009.
|
| 1.2 |
ICandelo B: ngumsebenzi wosiba nephepha (luviwo olubhalwayo) owenziwa ngokulandela imigaqo nobhalwa ukuqala nge-16 Novemba 2009 kuye kutsho kwi-30 Novemba 2009.
|
| 2. |
I-CTA: ICandelo A - uLwimi lwesiXhosa lwesiBini oLongezelelweyo
|
| 2.1 |
ISebe i-WCED lifumene izikhalazo eziliqela malunga nokubanzima kwephepha lemibuzo yesiXhosa uLwimi lwesiBini oLongezelelweyo yeCandelo A le-CTA.
|
| 2.2 |
Ukwenzela ukuba kuqinisekiswe ukuba kwenziwa ngokufanelekileyo nangendlela efanayo ukukhutshwa kweziphumo zabafundi beBakala 9 kule nkalo yesifundo, iSebe i-WCED lenze isigqibo sokuba kunyenyiswe imiqathango kwiCTA: iCandelo A.
|
| 2.3 |
Ziyacetyiswa izikolo ezifundisa isiXhosa uLwimi lwesiBini oLongezelelweyo ukuba mazisebenzise amanqaku anikwe umfundi ngamnye ovavanyo oluqhubekela esikolweni (school-based assessment) (SBA) ekuhambeni konyaka ukubala amanqaku okuphela konyaka omfundi eCandelo A le-CTA. Ngamanye amazwi, amanqaku abafundi eCandelo A le-CTA (amanqaku ali-120) aya kubalwa ngokususela kumanqaku afunyenwe ngabafundi kwi-SBA ngawo wonke unyaka.
|
| 3. |
I-CTA: ICandelo B - uLwimi lwesiXhosa lwesiBini oLongezelelweyo
|
| 3.1 |
ISebe i-WCED liphinde lenza isigqibo sokuba kusetwe iphepha lephondo (set a provincial paper) leCTA: iCandelo B.
|
| 3.2 |
Eli phepha leCTA: iCandelo B lisetwe liphondo liya kuthunyelwa kuzo zonke izikolo lize lithathe indawo yephepha leCTA: iCandelo B elisetwe nguzwelonke (nationally set CTA: Section B).
|
| 3.3 |
Kufuneka ke ngoko izikolo zisebenzise iphepha elisetwe liphondo kuviwo lwesiXhosa SAL olucwangciselwe ukubhalwa nge-30 Novemba 2009. Ukubhalwa kwephepha leCTA: iCandelo B elisetwe liphondo lesiXhosa uLwimi lwesiBini oLongezelelweyo linyanzelekile kuzo zonke izikolo ezifundisa le nkalo yesifundo.
|
| 4. |
Ukuzaliswa kwamaxwebhu okurekhoda amanqaku esiXhosa SAL
|
| 4.1 |
Kufuneka izikolo zifake kwikhompyutha amanqaku arekhodiweyo ayo yonke imisebenzi ye-SBA eyenziwa ngokomgaqo (formal SBA tasks) eyenziwe ngumfundi ngamnye ekuhambeni konyaka, amanqaku omfundi ngamnye abaliweyo eCandelo A kunye namanqaku azuzwe ngumfundi ngamnye kwiCandelo B.
|
| 4.2 |
Amanqaku abafundi eCandelo A (amanqaku ali-120) aya kubalwa ngoukususela kumanqaku azuzwe ngabafundi kwi-SBA ekuhambeni konyaka.
|
| 4.3 |
Amanqaku abafundi eCandelo B (amanqaku angama-80) aya kusekelwa ekupaseni kanye ngqo kwabafundi iCTA: iCandelo B.
|
| 4.4 |
Iprogram yeBakala 9 yokukhutshwa kweziphumo iya kuzibala ngokuzenzekelayo (automatically) iziphumo zomfundi ngamnye.
|
| 5. |
Nayiphi na imibuzo emalunga nale nkqubo ingabhekiswa kumququzeli wovavanyo wesithili semfundo sakho.
|
ISAYINWE: NGU-T SINGH
INTLOKO: YESEBE LEMFUNDO
UMHLA: 2009:07:02
|