1.1 |
Injongo yale ngcaciso imfutshane kukukwazisa ngenkqubo yokulawulwa nokuqhutywa kweemvavanyo zikazwelonke zaqho ngonyaka neziyinxalenye yePhulo leZiseko zokuFunda (Foundations for Learning Campaign). |
1.2 |
ISebe leMfundo likazwelonke (National Department of Education (DoE)) liya kubonelela izikolo ngeemvavanyo zamaBakala 1 - 6, likwenze oko ngokusebenzisa izithili zemfundo. Ngokwe-DoE, iizithili zemfundo ziya kuzifumana iimvavanyo ngo-Oktobha 2009. |
1.3 |
Iimvavanyo ezikumgangatho ofanayo zolwazi lokufunda nokubhala nolwazi lokubala (zamaBakala 1 - 3) nezemathematika kunye neelwimi (kumaBakala 4 - 6) ziya kuba yinxalenye yeemvavanyo zezikolo kwikota yesine. Ngako oko ke iiMvavanyo zeZiseko zokuFunda ziya kuthatha indawo yomnye wemisebenzi yovavanyo eqhutywa ngokomgaqo woviwo (formal assessment tasks) yeKota yesine. |
2. |
UKUQHUTYWA KWEEMVAVANYO ZEZISEKO ZOKUFUNDA |
2.1 |
Ezi mvavanyo maziqhutywe ukuqala nge-2 - 6 Novemba 2009. Makulandelwe le thayimthebhile ilandelayo ukuqinisekisa ukuthembakala kweemvavanyo kwiphondo liphela.
IMIHLA YOKUQHUBA UVAVANYO |
IPROGRAM YOKUFUNDA/ YENKALO YESIFUNDO |
UMHLA OCETYISWAYO WOKUFAKWA KWAMANQAKU |
NgoMvulo we-2 Novemba 2009 |
IAfrikansi uLwimi lweNkobe |
16 Novemba 2009 |
NgoLwesibini we-3 Novemba 2009 |
IsiNgesi uLwimi lweNkobe |
17 Novemba 2009 |
NgoLwesithathu we-4 Novemba 2009 |
IsiXhosa uLwimi lweNkobe |
18 Novemba 2009 |
NgoLwesine we-5 Novemba 2009 |
IiLwimi zeNkobe zeSesotho neSetswana |
19 Novemba 2009 |
NgoLwesihlanu we-6 Novemba 2009 |
ULwazi lokuBala/iMathematika |
20 Novemba 2009 |
|
2.2 |
I-DoE iya kubonelela ngeememoranda zokumakisha zezi mvavanyo. |
2.3 |
Iimvavanyo ezisetwe kwizwelonke mazimakishwe yaye zimodareyithwe esikolweni ngokungqinelana neememoranda zikazwelonke. |
2.4 |
Kuya kumiselwa inkqubo yokubeka esweni ukwenzela ukuqinisekisa ukwabiwa ngokufanelekileyo kwamanqaku, ukumakishwa nokumodareyithwa kwezi mvavanyo. Kucelwa ukuba uNdlunkulu, izithili zemfundo, iinqununu nee-SMT zibeke esweni ukuqhutywa kwezi mvamvanyo kunye nokumakisha. |
2.5 |
Ukufakwa kwamanqaku ekhompyutheni kumele kwenziwe ubuncinane zingadlulanga iiveki ezimbini lwenziwe uvavanyo. |
2.6 |
Ukufakwa ekhompyutheni kweziphumo makwenziwe kwiziko lewebhu le-CEMIS kule dilesi: http://CEMIS.wcape.gov.za phantsi kwesi sihloko Assessments ube sele uklikha oku National Foundations for Learning |
2.7 |
Zonke iziphumo mazifakwe ekhompyutheni kwi-CEMIS ungadlulanga uMvulo, we-23 Novemba 2009. |
2.8 |
Iincwadi zeempendulo zabafundi mazigcinwe ngokukhuselekileyo sisikolo de kuphinde kukhutshwe esinye isaziso. |
3.1 |
Ithagethi yomfundi ngamnye yokufikelela kwi-50% ubuncinane kulwazi lokufunda nokubhala nakulwazi lweelwimi nakulwazi lokubala/kwimathematika kwisikolo ngasinye ngo-2011 kuya kufikelelwa kuyo kuphela xa bonke abachaphazelekayo bezinikele ekuphuculeni amanqanaba olwazi lokufunda nokubhala nolwazi lokubala kubafundi bethu. |
3.2 |
Ziyacelwa zonke iinqununu, iikomiti zolawulo lwesikolo (school management teams), ootitshala namabhunga olawulo ezikolo ukuba bonke balixhase eli phulo. |
3.3 |
Ukuqhutywa kweemvavanyo zikazwelonke zonyaka kunyanzelekile kuzo zonke izikolo zikarhulumente eMzantsi Afrika kwaye kufuneka kwenziwe ngokwemiyalelo enikwe kule ngcaciso imfutshane. |
3.4 |
Kucelwa uqinisekise ukuba bonke ootitshala nabazali bayaxelelwa ngokubhalwe kule ngcaciso imfutshane. |
ISAYINWE: NGU-T SINGH
INTLOKO: YESEBE LEMFUNDO
UMHLA: 2009:10:02
|