1.1 |
Ukumodareyithwa kweemvavanyo eziqhubekela kumaziko ngamagosa ezithili zemfundo yinkqubo ebalulekileyo yoqinisekiso lwemigangatho, njengoko ithi iqinisekise ukungqinelana nomgaqo-nkqubo yaye ivumele ukuba kunikwe inkcazo ngokuqhubekayo (feedback) exabisekileyo kootitshala nakubaphathi bamaziko. |
1.2 |
Kukwenziwa kwakhona ukumodareyitha nokungqinisiswa liphondo ukwenzela ukungqinisisa ukuba ngaba kwenziwe ngendlela eyiyo na ukumodareyithwa kweemvavanyo eziqhubekela kumaziko nokuqinisekisa ukwenziwa ngokufanayo kwezinto kwizithili zonke. |
2. |
Intlanganiso yokungqinisisa yephondo (Provincial verification meeting)
|
2.1 |
Intlanganiso yeSebe iWCED yokungqinisisa icwangciselwe ukuba iqhubeke ngolu hlobo lulandelayo:
- Umhla: 29 - 30 Septemba 2009
- Ixesha: 08:00 - 16:00
- Indawo: kwi-Ofisi yeSithili seMfundo iWest Coast (ePaarl).
|
2.2 |
Iprogram yale ntlanganiso iqhotyoshelwe kule ngcaciso imfutshane njengesiHlomelo A. |
2.3 |
Ayacelwa amagosa ezithili ukuba eze ubuncinane neephothifoliyo ezi-3 kunye neencwadi zemisebenzi (workbooks) ezi-3 kwinkalo yesifundo nganye kuwo onke amaziko abhalisele uviwo luka-Oktobha/Novemba 2009. Ezi phothifoliyo mazingeniswe kwaye zikhethwe ngokungqinelana nezi mfuno zilandelayo:
- 1 X Iphothifoliyo yomfundi nencwadi yemisebenzi enamanqaku ewonke eSBA aphakathi ko-70% no-100%;
- 1 X Iphothifoliyo yomfundi nencwadi yemisebenzi enamanqaku ewonke eSBA aphakathi ko-40% no-69%;
- 1 X Iphothifoliyo yomfundi nencwadi yemisebenzi enamanqaku ewonke eSBA angaphantsi kwe-40%.
|
2.4 |
ABacebisi ngezeKharityhulam be-AET mabeze nala maxwebhu alandelayo naya kusetyenziswa xa kungqinisiswa inkqubo kwisithili:
- Iingxelo zokumodareyitha zeZithili zeMfundo - kubandakanywa neengxelo ezingentlanganiso yokumiselwa kwemigangatho nentlanganiso yokubeka esweni ebibanjelwe kwisithili;
- Iifayile zokumodareyitha zoMcebisi ngezeKharityhulam we-AET ezineefom zokumodareyitha namaxwebhu emigaqo-nkqubo;
- Iiphotifoliyo zootitshala kwiziko ngalinye, kwinkalo yesifundo nganye mazihanjiswe kunye neephothifoliyo zabafundi.
|
3. |
Bayacelwa aBacebisi ngezeKharityhulam be-AET ukuba beze kwiseshoni yokunika inkcazo ngokuqhubekayo njengoko kuphawulwe kwisicwangciso -nkqubo. |
ISAYINWE: NGU-T SINGH
INTLOKO: YESEBE LEMFUNDO
UMHLA: 2009:09:11
|