| 1. |
Om skole by te staan wat binne die Nasionale Strategie vir Leerprestasie (NSLP) val, het PGOOO begin met 'n intervensie wat deur die Universiteit van Stellenbosch ontwikkel is.
|
| 2. |
Die intervensie, bekend as Interaktiewe Telematiese onderrig, is 'n unieke interaktiewe platform, gebaseer op 'n kombinasie van satelliettegnologie, die Wêreldwye Web, selfone (SBD-protokol) en knapkaarttegnologie. Dit behels 'n kampusgesentreerde ateljee en 10 gekeurde skole in die Wes-Kaap (Bylae A).
|
| 3. |
Die hoofdoel van hierdie intervensie is om 'n virtuele leeromgewing te skep om onderrig en leer tot graad 12 te ondersteun. Dit sal gelyktydig versprei word oor diverse geografiese gebiede vanuit die ateljee by die Universiteit van Stellenbosch.
|
| 4. |
Die volgende vakke sal lewendig uitgesaai word. Wiskunde, Fisiese Wetenskap, Lewenswetenskappe, Rekeningkunde en Engels Eerste Addisionele Taal (sien tydroosters by Bylae B en C)
|
| 5. |
Leerders by elkeen van die gekeurde skole sal in staat wees om met die aanbieder in die ateljee te kommunikeer deur middel van 'n rekenaar of selfoon. Deelnemers by elk van die ander terreine sal die vrae op die skerm kan sien.
|
| 6. |
Die aanbieders is leieronderwysers, kurrikulumadviseurs en kurrikulumbeplanners van die WKOD wat gekies is op grond van hulle kundigheid in hulle vakgebiede.
|
| 7. |
Vakonderwysers by elke skool moet die proses bestuur en moniteer wanneer die lesse uitgesend word. Onderwysers sal op 'n uurbasis vergoed word vir die uitvoer van hierdie plig.
|
| 8. |
Die WKOD sal skole vergoed vir die verskaffing van vervoer en maaltye aan leerders wat die sessies bywoon.
|
| 9. |
Aangesien lesse na skoolure deur die week en op Sondae gehou word, is dit uiters noodsaaklik dat prinsipale dit met ouers en SBL'e bespreek. 'n Vrywaringsvorm moet deur die ouer of voog van elke leerder voltooi word.
|
| 10. |
Leerders is nie die enigste wat uit hierdie proses voordeel gaan trek nie. Indien die proses goed bestuur word, sal sowel die skool as geheel en die gemeenskap voordeel daaruit trek.
|
| 11. |
'n Oriënteringsvergadering met die 10 prinsipale, elk van die vakonderwysers en kurrikulumbeplanners en -adviseurs is belê vir 21 Julie 2009, van 14:00 tot 17:00. Die lokaal is Kamer 4029 in die Fakulteit van Opvoedkunde, Universiteit van Stellenbosch (hoek van Ryneveld en Crozierstraat). diegene wat beoog om reiskoste terug te eis moet die volgende inligting na die werkswinkel toe bring:
- Die registrasienommer en silinderinhoud van die motor
- Afstand in kilometer van die skool na die Universiteit van Stellenbosch
- Persalnommer van die bestuurder
- Deelnemers van Eden en Sentrale Karoo moet hulle eie reisreëlings tref en bewys van betaling by die werkswinkel voorlê
|
| 12. |
Prinsipale word versoek om Bylae D te gebruik om die WKOD te voorsien van besonderhede van alle graad 12-leerders wat die ekstra lesse sal bywoon. Hierdie voltooide vorm moet per e-pos gestuur word na zhartley@pgwc.gov.za of gefaks word na 021 467 2697
|
| 13. |
Indien u enige navrae het oor hierdie inisiatief, neem vrymoedigheid om die volgende te skakel:
|
| 14. |
Ons sien daarna uit om saam met u hierdie interessante projek mee te maak.
|
| 15. |
Prinsipale word versoek om die inhoud van hierdie minuut onder die aandag van alle betrokke personeel, graad 12-leerders en ouers te bring.
|
GETEKEN: SM NAICKER
HOOF: ONDERWYS
DATUM: 2009:07:13
|