1. Die PGOOO-skoolbiblioteekprojek bestaan reeds sedert Mei 2007.
2. Die primêre funksies van die projek is
  • om alle nasionale kwintiel 1- en 2-skole te voorsien van biblioteekbenodighede, insluitende boeke, DVD's en plakkate, ten einde leer en onderrig in die klaskamer te verryk en, veral, om die geletterdheids- en gesyferdheidsvlakke by hierdie skole te verbeter
  • om biblioteekmeublement, 'n rekenaar, oudio-visuele en ander toerusting, soos benodig, te voorsien, OF 'n "boekwaentjie" om te help om 'n geskikte skoolbiblioteekomgewing te skep, en
  • om een onderwyser per skool op te lei om die biblioteekhulpmiddels wat die skool ontvang te bestuur.
3. Sedert 2008 het alle primêre en sekondêre skole in nasionale kwintiel 1-en 2-skole 'n maksimum van twee biblioteekitems per leerder ontvang.
4. Daarbenewens moes 'n onderwyser by elke skool in kwintiele 1 en 2 gedurende 2007 of 2008 opleiding in die bestuur en gebruik van hierdie hulpmiddels ontvang het.
5. Die proses van die seleksie en aankoop van geskikte materiaal en die prosessering van die materiaal en skole is arbeidsintensief en duur. Die bedoeling is dat die biblioteekhulpbronmateriaal wat skole ontvang, nadat dit in die biblioteekregister aangewins is, gereed moet wees om op die biblioteekrakke te plaas vir onmiddellike gebruik of uitneem deur leerders.
6. Dit is vir die Departement 'n groot bron van kommer dat 'n aantal skole nog nie hulle skoolbiblioteekhulpmiddels tot maksimum voordeel van hulle leerders benut nie. Sommige skole het nog nie eers die bokse biblioteekmateriaal uitgepak en beskikbaar gestel vir leerdergebruik nie.
7. Die doeltreffende bestuur van hierdie hulpmiddels is die verantwoordelikheid van die skoolbestuurspan en skole moet hierdie hulpmiddels gebruik so gou as moontlik nadat hulle ontvang is.
8. Die doeltreffende bestuur en gebruik van hierdie biblioteekhulpmiddels moet nie afhang van die grootte van die toegewysde biblioteekruimte nie.
9. Skole wat probleme ondervind om aan bogemelde vereistes te voldoen, moet in verbinding tree met hulle skoolbiblioteekadviseur of die beampte verantwoordelik vir skoolbiblioteke in hulle onderwysdistrik en hulp versoek. Die kontakbesonderhede is soos volg:

OD Metro-Noord Jenny Caroto tel. 021 938 3197
OD Metro-Suid Ntombi Mngxuma tel. 021 370 2097/2084
OD Metro-Oos Khosi Mabandla tel. 021 900 7013
OD Metro-Sentraal Mackie Kleinschmidt tel. 021 659 4300
OD Overberg Roy Auret tel. 072 431 8845
OD Eden & Sentrale Karoo Sam Webber tel. 044 803 8328
OD Kaapse Wynland Ingrid Murray tel. 023 348 0648
OD Weskus Faith Lawrence tel. 021 680 1229

10. Bring asseblief die inhoud van hierdie minuut onder die aandag van alle betrokkenes.


GETEKEN: SM NAICKER
HOOF: ONDERWYS
DATUM: 2009:04:21