1. Die Wes-Kaap Onderwysdepartement (WKOD), in samewerking met die Universiteit van Stellenbosch (US), bied die volgende skryfkompetisie aan vir alle leerders in graad 7, 9 en 12 wat binne die grense van die WKOD skoolgaan. Die fokus van die skriftelike werk is op morele waardes en leerders mag in hulle moedertaal skryf.
2. Elke inskrywing moet vergesel wees van die leerder se volle naam, die skool se adres, die leerder se graad en die onderwerp.
3. Onderwerpe en kategorieë
3.1 Graad 7: Jy is die prinsipaal van jou skool. Skryf 'n opstel oor wat jy sou doen om positiewe waardes by jou skool se leerders in te skerp. (1 000 woorde)
3.2 Graad 9: Op watter maniere kan onderwysers en ouers, asook leerders, positiewe rolmodelle in vandag se samelewing wees? (1 000 woorde)
3.3 Graad 12: Kies die vyf belangrikste waardes wat die jeug volgens jou sienswyse in hulle lewens moet inkorporeer. Skryf 'n opstel oor hoe onderwysers, ouers en die regering hulle daarmee kan help. (1 000 woorde)
4. Pryse 
Eerste prys in elke kategorie: R10 000
Tweede prys in elke kategorie: R 7 000
Derde prys in elke kategorie:  R 3 000

Die drie kategoriewenners se skole sal elk R20 000 ontvang.
5. Boekie

Die tien beste opstelle in elke kategorie sal in 'n boekie opgeneem word. Elke leerder wie se opstel in die boekie verskyn - asook elke skool in die WKOD - sal 'n gratis eksemplaar ontvang.
6. Ons vertrou dat hierdie inisiatief ons baie insigryke perspektiewe oor hierdie uiters belangrike onderwerp sal bied. Miskien kan sommige van hierdie idees selfs in skole geïmplementeer word!
7. Algemene inligting 
Sluitingsdatum: 1 Mei 2009 	
Aankondiging van wenners: 15 Junie 2009
Publikasie van boekie: 14 Augustus 2009


Posadres:
Skryfkompetisie	E-posadres: projek@sun.ac.za
Aandag: Z.Botha	
Faks: 021 886 5518
Posbus 3322
MATIELAND
7602
Navrae: Z Botha by 021 808 2914


GETEKEN: SM NAICKER
HOOF: ONDERWYS
DATUM: 2009:02:06