1. Wêreldboekdag word jaarliks gevier op 23 April, William Shakespeare se geboortedatum, en word georganiseer deur UNESCO om lees, publisering en kopiereg te bevorder. Vierings op Wêreldboekdag weerspieël die belangrikheid van lees vir lewenslange leer, kognitiewe ontwikkeling en psigologiese welstand. Die WKOD moedig alle skole aan om die waarde van lees te erken deur entoesiasties deel te neem aan leesgebaseerde aktiwiteite op Wêreldboekdag.
2. Die tema vir die dag is ONTSLUIT JOU VERSTAND. LEES BOEKE.
3. Die WKOD sal die geleentheid vier saam met strategiese vennote soos die Uitgewersvereniging van Suid-Afrika (UVSA), South African Bookseller's Association (SABA), die Departement van Kuns en Kultuur, die Wes-Kaap Provinsiale Biblioteekdienste en die Sentrum vir die Boek ('n spesialiseenheid van die Nasionale Biblioteek van Suid-Afrika).
3.1 UVSA en SABA onderneem 'n uitreik-inisiatief waar lees van 11-15 Mei gedoen sal word by genomineerde skole oor al die provinsies heen, aangesien die verkiesings plaasvind gedurende die week waarin Wêreldboekdag val.
3.2 Die vennootskap het 'n kleurvolle plakkaat ontwerp en laat druk wat die gees van Wêreldboekdag weergee. Die plakkate sal aan alle skole en openbare biblioteke in die land beskikbaar gestel word. In die Wes-Kaap sal hulle beskikbaar wees by die personeel van distriksbronnesentums. Verwys na paragraaf 5 hieronder vir kontakbesonderhede.
3.3 Waar distrikte nie bronnesentrums het nie, moet hulle met die volgende persone in verbinding tree om plakkate te bekom:

Onderwysdistrik Metro-Noord
Jennifer Caroto: Bestuurder: E-Leer en Biblioteekdienste
tel. 021 938 3000
Onderwysdistrik Metro-Sentraal
Sharon Koff
Bridgette Spielman
tel. 021 659 4408
tel. 021 659 4411
Onderwysdistrik Overberg (Caledonkantoor)
Roy Auret: Waarnemende Bestuurder: E-Leer en Biblioteek- dienste (beskikbaar vanaf 20 April 2009)
tel. 072 431 8845

4. Aangeheg is 'n lys van voorgestelde skoolaktiwiteite, saamgestel deur die personeel van EDULIS (die Onderwysbiblioteek- en Inligtingsdiens), om Wêreldboekdag so te vier dat leerders baat daarby vind en dit geniet.
5. In die gees van Wêreldboekdag moedig ons alle skole aan om een van die volgende persone te besoek of te kontak om 'n versoek te rig om 'n bloklening van boeke vir gebruik op Wêreldboekdag:

Susan Hanekom EDULIS-biblioteek, Middestad Mall, Bellville tel. 021 957 9618
Cheryl Joseph Metro-Oos Bronnesentrum/EDULIS-takbiblioteek, Kuilsrivier tel. 021 900 5111
Ntombi Mngxuma Metro-Suid: Brian O'Connell Bronne-sentrum, Mitchells Plain tel. 021 370 2084
Ina Heiberg Weskus Bronnesentrum, Paarl tel. 021 860 1229
Sam Webber Eden & Sentrale Karoo Bronnesentrum, George tel. 044 803 8328
Janine Ontong Kaapse Wynland Bronnesentrum, Worcester tel. 023 348 4657

6. In die afwesigheid van 'n funksionerende bronnesentrum by die Onderwysdistrikskantoor Metro-Sentraal en na aanleiding van talle versoeke van opvoeders by skole in daardie distrik, is besluit om 'n versamelpunt vir skoolbloklenings van die EDULIS-biblioteek by EDUMEDIA in Mowbray in te rig. Hierdie tussentydse maatreël sal geld totdat daar 'n bronnesentrum by die Onderwyskantoor Metro-Sentraal is.


GETEKEN: SM NAICKER
HOOF: ONDERWYS
DATUM: 2009:04:15

Skoolaktiwiteite  (grootte: 48 KB)