| 1. |
Aansoeke word ingewag van persone wat wil optree as hoofnasieners, nasieners of moderatore van die leerareas wat gedurende die 2009 Junie- en Oktober-BOOV-vlak 4-eksamens geassesseer gaan word. Hierdie persone moet voldoen aan die algemene vereistes in paragraaf 2 hieronder. Die lys van leerareas is aangeheg.
|
| 2.1 |
Onderwyservaring: Toepaslike onderwyservaring, insluitende ervaring op Vlak 4 in die betrokke leerarea
|
| 2.2 |
Kwalifikasies: 'n Erkende driejaaronderwyskwalifikasie
|
| 2.3 |
Leerareabevoegdheid: Kundigheid in die betrokke leerarea
|
| 3.1 |
Aansoeke moet op die aangehegte aansoekvorm ingedien word. 'n Aansoeker moet 'n afsonderlike aansoekvorm voltooi vir elke leerarea waarvoor hy of sy aansoek doen.
|
| 3.2 |
Gewaarmerkte afskrifte van kwalifikasiesertifikate moet elke voltooide aansoekvorm van nuwe aansoekers vergesel. Aansoekers wat hierdie eksamens in die verlede nagesien het, hoef nie hierdie dokumente in te dien nie. Indien hierdie dokumente nie 'n aansoekvorm van 'n nuwe aansoeker vergesel nie, sal die aansoek nie oorweeg word nie. Geen uitsonderings sal gemaak word nie en geen korrespondensie sal met aansoekers in hierdie verband gevoer word nie.
|
| 3.3 |
Alle aansoekvorms moet onderteken word deur die prinsipaal of sentrumbestuurder (in die geval van opvoeders) of deur direkteure of gedelegeerde beamptes (in die geval van prinsipale, senior kurrikulumbeplanners, hoofkurrikulumadviseurs en kurrikulumadviseurs). Ongetekende vorms sal aan die aansoekers terugbesorg word.
|
| 3.4 |
Alle aansoeke moet teen 15 April 2009 by die volgende adres ingedien word. Aansoeke wat ná hierdie datum ontvang word, sal nie oorweeg word nie.
Hoof: Onderwys
Vir aandag: Me NE Kanase
Direktoraat: Eksamenadministrasie
Wes-Kaap Onderwysdepartement
Privaatsak X9114
Kaapstad
8000
|
| 4. |
Alle navrae, hetsy per telefoon of skriftelik, kan aan een van die volgende gerig word:
Mnr M Cameron tel. 021 467 2964 e-pos:mgcamero@pgwc.gov.za
Me NE Kanase tel. 021 467 2009 e-pos:nkanase@pgwc.gov.za
Me M Buys tel. 021 467 2993 e-pos:mbuys@pgwc.gov.za
De faksnommer van die Direktoraat:
Eksamens is 021 461 5628.
|
| 5. |
Die nasientarief vir elke vak sal so gou as moontlik beskikbaar gestel word. Elke hoofnasiener, nasiener en moderator wat vir die nasien en/of moderering van skrifte verantwoordelik is, sal belas word ingevolge die Inkomste-belastingwet van 2002.
|
| 6. |
Bring asseblief die inhoud van hierdie minuut onder die aandag van alle betrokke opvoeders. Die Direktoraat: Eksamenadministrasie aanvaar geen verantwoordelikheid vir opvoeders wat nie ingelig is oor die inhoud van hierdie minuut nie.
|
GETEKEN: LC ARENDSE
HOOF: ONDERWYS
DATUM: 2009:03:19
|