1. Die eisvorms vir opsieners vir die bogemelde eksamen, wat in gedrukte vorm voorsien sal word, moet voltooi word deur die hoofopsiener ten opsigte van hom- of haarself en elke assistent-opsiener wat by 'n spesifieke eksamensentrum toesig gehou het. Die eisvorm moet in swart ink voltooi word. Die prinsipaal of sentrumbestuurder moet die aantal sessies bevestig en die eisvorm mede-onderteken.
2. Die Departement moet skriftelik verwittig word van enige verandering in 'n opsiener se adres wat plaasgevind het nadat die nominasievorms voorgelé is.
3. Tronke wat opsieners gebruik wat nie hulle eie personeel is nie, word versoek om die Departement skriftelik van sulke reëlings te verwittig.
4. Opsieners sal teen Departementele tariewe vergoed word. Die gewysigde tariewe is soos volg: 
Hoofopsiener       R114,65 per sessie
Assistentopsiener   R76,45 per sessie

U word daaraan herinner dat onafhanklike skole en kolleges verantwoordelik is vir die vergoeding van hulle eie opsieners.
5. Wanneer opsieners vergoed word, sal eksamensessies voor 12 uur in die middag beskou word as oggendsessies (spoed-akkuraatheidstoets in Tik uitgesluit). Eksamensessies wat na 12 uur in die middag begin, word as middagsessies beskou.
6. Eise ontvang vir plaasvervangeropsieners sal geprosesseer word slegs indien die korrekte nominasie- en aanstellingsprosedure gevolg is.
7. Maak asseblief seker dat slegs die voorgeskrewe getal assistentopsieners per sessie gebruik word. 'n Verduidelikende brief moet 'n eis vir addisionele opsieners vergesel.
8. Hoofopsieners wat gehelp het met die ontvangs en kontrolering van vraestelle moet hulle eis vir hierdie diens in die toepaslike kolom op die eisvorm aandui. Hulle mag vergoeding eis vir slegs een verdere sessie as hulle hulp verleen het met die kontrolering van die 4 besendings vraestelle.
9. Ten einde te help dat opsieners se eise stiptelik betaal word, mag die vorms na hierdie kantoor gefaks word (faksnommer 021 461 5637 of 086 692 2242). Indien die eis gefaks word, moet die oorspronklike eisvorm aan die Departement gepos word. Die hoofopsiener moet 'n afskrif van die voltooide eisvorm vir rekorddoeleindes hou.
10. Onmiddellik na afloop van die laaste eksamensessie by 'n sentrum, moet die oorspronklike eisvorm op die vinnigste moontlike manier, hetsy per pos, per koerierdiens of per hand, na een van die volgende adresse gestuur word: 
Posadres
Die Hoof: Onderwys
Vir aandag:	Me VB du Plessis/Me E du Toit
Direktoraat: Eksamenadministrasie 
Wes-Kaap Onderwysdepartement
Privaatsak X9114
Kaapstad 
8000


Straatadres
Die Hoof: Onderwys
Die Hoof: Onderwys
Vir aandag:	Me VB du Plessis/Me E du Toit
Direktoraat: Eksamenadministrasie 
Wes-Kaap Onderwysdepartement
5de vloer - Kamer 515 A
Grand Central Towers 
Laer Parlementstraat
Kaapstad


GETEKEN: AP CLAUSEN
HOOF: ONDERWYS
DATUM: 2009:02:17