1. Eksamenskrifte, saam met alle ander eksamenverwante dokumente, moet verpak word ooreenkomstig die prosedures wat bepaal is in die Prosedurehandleiding vir Prinsipale, Sentrumbestuurders, Hoofopsieners en Opsieners, en gestuur word aan die Departement op die voorafbepaalde afhaaldatums wat in paragraaf 3 hieronder uiteengesit is.
2. Onder geen omstandighede mag eksamenskrifte aan die Departement gepos of persoonlik deur prinsipale of hoofopsieners afgelewer word nie.
3. Skynet sal die skrifte tussen 08:00 en 15:00 op die volgende datums by eksamensentrums afhaal en by die Departement aflewer: 
Donderdag, 19 Februarie 2009
Dinsdag, 24 Februarie 2009
Donderdag, 26 Februarie 2009
Dinsdag, 03 Maart 2009
Donderdag, 05 Maart 2009
Dinsdag, 10 Maart 2009
Donderdag, 12 Maart 2009
Dinsdag, 17 Maart 2009
Donderdag, 19 Maart 2009
Dinsdag, 24 Maart 2009
Donderdag, 26 Maart 2009 (Finale afhaal)
4. TERUGSENDING VAN SKRIFTE
4.1 Maak asseblief seker dat alle dokumente korrek voltooi is en dat daar 'n Strepieskode Eksamensentrum-nasporingsplakker op elke pak is. Die volgende dokumente moet voltooi word:
  • Courier Collection Register op 'n daaglikse basis wanneer die Skynet-verteenwoordiger die pakke afhaal, en
  • Confirmation of Final Collection, wat onmiddellik nadat die Skynet-verteenwoordiger die finale pakke skrifte by die sentrum afgehaal het, deurgefaks moet word.
4.2 Onder geen omstandighede mag plastieksakke teruggehou word op die dae wat Skynet skrifte kom afhaal nie. Al die skrifte in u besit moet aan die koeriers gegee word wanneer hulle kom.
4.3 Nadat die Skynet-verteenwoordiger die pakke skrifte opgelaai het, sal hoofopsieners 'n afskrif van die versendingsbrief van hulle ontvang, wat saam met die puntebladkontrolelyste deur die hoofopsiener op lêer geplaas moet word vir rekorddoeleindes.
4.4 Onder geen omstandighede mag die Nasionale Senior Sertifikaat-geleibriewe vir enigiets anders as vir die terugsending van eksamenverwante dokumente gebruik word nie. Alle ongebruikte geleibriewe moet aan die Direktoraat: Eksamens terugbesorg word saam met die finale pakke skrifte.

5. Prinsipale/Sentrumbestuurders, met behulp van die hoofopsiener, moet seker maak dat al die eksamenskrifte teen 15:00 op 26 Maart 2009 deur die koerier afgehaal is.

Indien daar skrifte is wat nie afgehaal is nie, moet me MC Hollenbach van die Direktoraat: Eksamenadministrasie ONMIDDELLIK daarvan in kennis gestel word by 021 467 2960/1.
6. Om die proses ordelik te laat verloop, word hoofde van inrigtings vriendelik versoek om die nodige reëlings te tref vir die veilige bewaring van vraestelle en antwoordskrifte. Hulle moet ook seker maak dat elke hoofopsiener 'n afskrif kry van hierdie Eksamenadministrasieminuut.


GETEKEN: T SINGH
HOOF: ONDERWYS
DATUM: 2009:02:10