1. Ten einde skoolhoofde in staat te stel om die nodige reëlings te tref om die uitslae af te haal en te kontroleer, word die volgende inligting en datums verskaf. Let asseblief daarop dat hierdie datums en tye aan u bekendgemaak sal word. Onderwysdistrikte sal ten volle op hoogte gehou word.

1.1Donderdag, 7 Januarie 2010 om 08:00:
LW: Nie voor 08:00 nie 		Prinsipale, sentrumbestuurders/
afgevaardigde personeellede kry resultate by onderwysdistrikskantore.
1.2 Prinsipale/Sentrumbestuurders kry 4 uur tyd om uitslae vir enige ooglopende foute te kontroleer. Hierdie foute moet uitgesorteer word deur die Direktoraat: Eksamenadministrasie te skakel.
1.3Donderdag, 7 Januarie 2010 om 12:00:Uitslae kan by die onderskeie skole/sentrums aan leerders bekend gemaak word;

LW: Die oorspronklike staat van simbole vir individuele leerders sal ingesluit wees by die besending aan die skool. Skole moet leerders en ouers inlig dat hulle nie die uitslae deur die pos gaan ontvang nie;

GEEN resultate mag aan kandidate bekendgemaak word en GEEN inligting in hierdie verband mag aan die pers verskaf word voor 12:00 nie.

1.4Donderdag, 7 Januarie 2010 om 09:00:LUR: Onderwys maak provinsiale uitslae bekend by Leeuwenhof;
1.5Donderdag, 7 Januarie 2010 om 15:00:Uitslae sal beskikbaar wees op die WKOD
http://wced.wcape.gov.za;

Kandidate sal hulle eksamennommers en hulle identiteitsnommers moet invoer om hulle individuele uitslae op die WKOD-webtuiste te kan sien.

1.6Vrydag, 8 Januarie 2010 om 05:00:    Uitslae in die pers.
1.7Dinsdag, 12 Januarie 2010 na 12:00: Onafgehaalde uitslae word deur  onderwysdistrikskantore aan die sentrums  gepos.

2. Die Departement moet ingelig word aangaande reëlings van skole/sentrums om hulle uitslae te kom haal. Prinsipale/sentrumbestuurders word versoek om die aangehegte vorm te voltooi en na die onderwysdistrikskantoordirekteur te stuur teen 4 Desember 2009. Hierdie inligting sal ook gebruik word om daardie prinsipale/sentrumbestuurders te kontak wat uitgenooi word om die Toekenningseremonie by Leeuwenhof op 7 Januarie 2010 by te woon.
3. Dit is uiters belangrik dat kandidate wat nie die eksamen slaag nie ondersteuning en berading ontvang en kandidate moet ingelig word dat sulke dienste beskikbaar is. Kandidate kan by die skool berading ontvang wanneer hulle hulle uitslae ontvang of, waar van toepassing, by die onderskeie onderwysdistrikskantore, waar departementele personeel beskikbaar sal wees. Indien 'n prinsipaal/sentrumbestuurder 'n kandidaat na 'n onderwysdistrikskantoor verwys, moet daardie prinsipaal aan die kandidaat die telefoonnommer en adres verskaf en die besonderhede van die kandidaat aan die onderwysdistrikskantoor voorsien. Dikwels soek kandidate wat berading nodig het nie uit vrye wil berading nie en 'n oproep word gedoen op prinsipale om bewus te wees van die emosies van kandidate wie se verwagtings nie verwesenlik is nie.
4. VRYSTELLING VAN INLIGTING AAN DIE MEDIA

Die media sal ook geïnteresseerd wees om inligting van skole te verkry aangaande kandidate wat uitsonderlik goed presteer het in die Nasionale Senior Sertifikaat-eksamen. Prinsipale en sentrumbestuurders mag sodanige inligting en foto's aan die media verskaf na beraadslaging met ouers.


GETEKEN: BK SCHREUDER
HOOF: ONDERWYS
DATUM: 2009:11:27

Afhaal van eskamenuitslae  (grootte: 36 KB)