1. Eksamenskrifte en alle ander eksamenverwante dokumente moet verpak word ooreenkomstig die prosedures bepaal in die Prosedurehandleiding vir Prinsipale, Sentrumbestuurders, Hoofopsieners en Opsieners, en gestuur word aan die Departement op die afhaaldatums wat in paragraaf 3 hieronder aangedui word.
2. Onder geen omstandighede mag eksamenskrifte aan die Departement gepos word of persoonlik deur prinsipale of hoofopsieners afgelewer word nie, behalwe waar skole genader is en hulle ingestem het om aan die loodsprojek deel te neem.
3. Skynet sal die skrifte tussen 08:00 en 15:00 op die volgende datums by eksamensentrums afhaal en by die Departement aflewer:

Maandag, 12 Oktober 2009 Nas. Sen. Sert
Donderdag, 29 Oktober 2009 Nas. Sen. Sert. en BOOV V4
Dinsdag, 03 November 2009 Nas. Sen. Sert. en BOOV V4
Donderdag, 05 November 2009 Nas. Sen. Sert. en BOOV V4
Dinsdag, 10 November 2009 Nas. Sen. Sert. en BOOV V4
Donderdag, 12 November 2009 Nas. Sen. Sert. en BOOV V4
Dinsdag, 17 November 2009 Nas. Sen. Sert. en BOOV V4
Donderdag, 19 November 2009 Nas. Sen. Sert. en BOOV V4 - finale afhaal
Maandag, 23 November 2009 Nas. Sen. Sert.
Dinsdag, 24 November 2009 Nas. Sen. Sert.
Woensdag, 25 November 2009 Nas. Sen. Sert.
Donderdag, 26 November 2009 Nas. Sen. Sert.
Maandag, 30 November 2009 Nas. Sen. Sert.
Dinsdag, 1 Desember 2009 Nas. Sen. Sert
Woensdag, 2 Desember 2009 Nas. Sen. Sert.
Donderdag, 3 Desember 2009 Nas. Sen. Sert.
Vrydag, 4 Desember 2009 Nas. Sen. Sert
Maandag, 7 Desember 2009 Nas. Sen. Sert. - finale afhaal
4. TERUGSENDING VAN SKRIFTE
4.1 Maak asseblief seker dat die volgende dokumente volledig en korrek voltooi word:

  • Courier Collection Register, elke dag wat die Skynet-verteenwoordiger kom afhaal;
  • Confirmation of Final Collection, wat deurgefaks moet word wanneer die Skynet-verteenwoordiger die finale pakke skrifte by die sentrum afhaal.
4.2 Onmiddellik na die beëindiging van elke sessie moet die skrifte van die betrokke sessie in bondels verpak word volgens die punteblad/-blaaie en verseël word in 'n grys plastieksak. (Bondels van verskillende vakke mag in dieselfde sak gesit word). Die kleiner verseëlde sessie-sakke moet almal saam in 'n groter sak gesit word om die getal sakke/pakkette per besending tot die minimum te beperk.

Onder geen omstandighede mag plastieksakke wat minder as 200 skrifte bevat, teruggehou word op dae wat Skynet eksamenskrifte afhaal nie. Alle skrifte in u besit moet aan die koeriers oorhandig word as hulle kom.

4.3 Nadat die Skynet-verteenwoordiger die pakke skrifte opgelaai het, sal 'n afskrif van die versendingsbrief aan u oorhandig word. Die hoofopsiener moet hierdie afskrif saam met die betrokke puntebladkontrolelyste liasseer vir rekorddoeleindes.
4.4 Onder geen omstandighede mag die Nasionale Senior Sertifikaat-geleibriewe vir enigiets anders gebruik word as vir die terugsending van eksamenverwante dokumente nie. Alle ongebruikte geleibriewe moet aan die Direktoraat: Eksamenadministrasie terugbesorg word saam met die finale pakke skrifte.
5. Teen 11:00 op 11 Desember 2009, voordat die skool vir die einde van die jaar sluit, moet Prinsipale/Sentrumbestuurders, bygestaan deur die hoofopsiener, seker maak dat al die eksamenskrifte deur die koerier afgehaal is.

Indien daar skrifte is wat nie afgehaal is nie, moet me M. Hollenbach van die Direktoraat: Eksamenadministrasie ONMIDDELLIK daarvan in kennis gestel word (tel. 021 467 2960/1 of 083 5444 381).

6. Om te verseker dat die proses ordelik verloop, word hoofde van inrigtings versoek om die nodige reëlings te tref vir die veilige bewaring van vraestelle en antwoordskrifte. Hulle moet ook asseblief sorg dat elke hoofopsiener 'n afskrif van hierdie Minuut ontvang


GETEKEN: T SINGH
WND. HOOF: ONDERWYS
DATUM: 2009:10:01