| 1. |
VOLTOOIING VAN PUNTEBLAAIE |
| 1.1 |
Die gerekenariseerde punteblaaie vir skoolgebaseerde assessering (SGA) vir alle vakke, asook die toepaslike kontrolelyste, is aangeheg. Prinsipale moet seker maak dat hulle al die benodigde punteblaaie ontvang het. |
| 1.2 |
Let daarop dat slegs een afskrif van elke punteblad vir voltooiing voorsien is. Dit is dus uiters belangrik dat die skool, asook die Assesseringskoördineerders, afskrifte van die gemodereerde punteblaaie moet maak en vir rekorddoeleindes bewaar.
|
| 1.3 |
Maak asseblief seker dat die punteblaaie vir moderering voltooi word en beskikbaar is vir kurrikulumadviseurs op die dag van moderering. Vakonderwysers moet slegs die ongemodereerde punt in die "Punt"-kolom invul. |
| 1.4 |
Gemodereerde punte moet eers na die finale moderering van elke vak deur die kurrikulumadviseur oorgedra word na die "Gemod."-kolom op die SGA-punteblaaie. |
| 1.5 |
Indien u skool die gerekenariseerde SGA-punteblaaie eers na afloop van die modereringsproses ontvang, moet die nodige reëlings vir die voltooiing van die punteblaaie met die kurrikulumadviseur getref word. |
| 2. |
TOEKENNING VAN SBA-PUNTE 'n Punt moet toegeken word aan elke kandidaat wie se eksamennommer op die punteblad verskyn. Dit is ook van toepassing op kandidate wat:
- tydelik of permanent uit die skool geskors is;
- aansoek gedoen het om 'n sentrumverandering;
- afwesig was vir 'n langdurige tydperk gedurende die jaar;
- afwesig was op die dag van moderering;
- by 'n ander skool of sentrum, bv. 'n kunssentrum, geregistreer was vir 'n vak.
|
| 3. |
UITSTAANDE PUNTE (KANDIDATE WAT AFWESIG WAS EN DIEGENE MET GEEN SGA-PUNTE NIE) |
| 3.2 |
Die volgende rakende die voltooiing van die punteblaaie (Bylae A) moet beklemtoon word: |
| 3.2.1 |
As die kandidaat hoegenaamd geen SGA-komponente voltooi het nie, maar 'n geldige rede voorsien is, vul "999" in op die punteblad. IMPLIKASIES VAN "999":
- Kandidaat sal 'n onvolledige uitslag ontvang (al is die teorievraestel geskryf);
- Kandidaat met "999" sal 3 kalendermaande na die bekendmaking van uitslae kry om SGA-punte in te dien. Versuim om dit te doen sal tot gevolg hê dat die kandidaat die hele vak moet herhaal.
|
| 3.2.2 |
As die kandidaat hoegenaamd geen SGA-komponente voltooi het nie, en geen geldige rede voorsien is nie, vul "444" in op die punteblad. Sodanige kandidaat sal 'n onvolledige uitslag ontvang en moet die hele vak herhaal. |
| 3.2.3 |
Indien 'n goedgekeurde vakverandering nie op die punteblad verskyn nie, skryf "888" in die 'Punte'-kolom. Voltooi 'n nuwe Bylae B vir elke vak. |
| 3.2.4 |
As die kandidaat alle DASS-take voltooi het, maar die werk wat ingedien is 'n nul regverdig, ken 001 vir die werk toe. |
| 4. |
KANDIDATE MET SPRAAK- EN/OF GEHOORSTOORNISSE Kandidate met spraak- en/of gehoorstoornisse moet in die plek van die mondelingepunt 'n pro rata-punt ontvang wat gebaseer is op die punte wat hulle in die Junie-en Septembereksamens vir geskrewe werk behaal het. |
| 5. |
PRINSIPALE SE VERANTWOORDELIKHEID RAKENDE DIE VOLTOOIING VAN PUNTEBLAAIE Prinsipale moet toesien dat al die Nasionale Senior Sertifikaat-kandidate in hulle skole die vereiste SGA-punte ontvang het. |
| 6. |
KEERDATUM Assesseringskoördineerders moet seker maak dat die voltooide punteblaaie die Direktoraat: Eksamenadministrasie teen 30 Oktober 2009 bereik. |
| 7. |
UITSTAANDE SGA-PUNTE Prinsipale word versoek om nie kandidate sonder SGA-punte na die bekendmaking van die uitslae direk na die Departement te verwys nie. Die korrekte prosedure is om die Departement te raadpleeg via die betrokke kurrikulumadviseur by die onderwysdistrikskantoor. |
GETEKEN: T SINGH
WND. HOOF: ONDERWYS
DATUM: 2009:09:17
|