| 1. |
Aansoeke word ingewag van onderwysers wat graag wil dien as hoofnasieners, adjunkhoofnasieners en interne moderatore vir die nasien van die skrifte vir die Nasionale Senior Sertifikaat-eksamen van November 2009 en die Maart 2010 aanvullende eksamen. Die hoofnasieners bestuur die nasien en moderering van skrifte by die nasiensentrum terwyl die interne moderatore die standaard van nasien verseker. Die lys vakke in Bylae A sluit vakke in wat heradverteer word of wat weggelaat is uit Bylae A van Eksamenadministrasieminuut 0013/2009. Alle beamptes wat aansoek gedoen het vir hierdie vakke in reaksie op Eksamenadministrasieminuut 0013/2009, moet weer aansoek doen. |
| 2. |
Kriteria vir die aanstelling van hoofnasieners, adjunkhoofnasieners en moderatore: |
| 2.1 |
Die suksesvolle voltooiing van, ten minste, 'n erkende driejarige na-Senior Sertifikaat- kwalikasie in die betrokke vak aan 'n universiteit of kollege; |
| 2.2 |
'n Bewese rekord van voortreflikheid of bekwaamheid in die onderrig van die betrokke vak; |
| 2.3 |
Ten minste 8 jaar onderwysondervinding; |
| 2.4 |
Ten minste 5 jaar ondervinding op graad 12-vlak in die vak wat tans onderrig word en waarvoor aansoek gedoen word; |
| 2.5 |
In die geval van adjunkhoofnasieners, ten minste 5 jaar ondervinding as nasiener in die vak waarvoor aansoek gedoen word; |
| 2.6 |
In die geval van moderatore en hoofnasieners, ondervinding as 'n moderator en/of hoofnasiener in vorige jare of ten minste 5 jaar ondervinding in die eksaminering en/of nasien in die vak waarvoor aansoek gedoen word. |
| 3. |
Hoofde van inrigtings word versoek om onderwysers wat aan hierdie vereistes voldoen aan te moedig om aansoek te doen om die poste van hoofnasiener adjunkhoofnasiener en interne moderator. |
| 4. |
Die Departement sal een moderator, een hoofnasiener en een adjunkhoofnasiener aanstel vir elke vak wat 'n groot aantal kandidate het. Vakkundigheid en ondervinding in nasien tydens vorige eksamens sal die deurslaggewende faktore in die keuse van panele wees. |
| 5. |
ONGESKIKTHEID VIR AANSTELLING Die volgende persone kwalifiseer nie vir aanstelling nie: |
| 5.1 |
Persone wat 'n familielid (d.w.s. seun, dogter, broer of suster) of 'n kandidaat vir die 2009 Nasionale Senior Sertifikaat-eksamen het wat by hulle inwoon en wat die Nasionale Senior Sertifikaat-eksamen skryf in die vak waarvoor aansoek oorweeg word; |
| 5.2 |
Aansoekers wat reeds 'n vrywilige skeidingspakket geneem het of dit in alle waarskynlikheid gaan neem. |
| 6.1 |
Alle aansoeke moet vergesel wees van die volgende:
- Die aansoeker se curriculum vitae;
- 'n Gewaarmerkte afskrif van die aansoeker se ID;
- Gewaarmerkte afskrif(te) van die aansoeker se akademiese studierekord(s);
- Gewaarmerkte afskrif(te) van die aansoeker se kwalifikasiesertifikaat/-sertifikate;
- 'n Dekbrief waarin die aansoeker redes gee waarom hy of sy aansoek doen om die pos.
|
| 6.2 |
Aansoeke moet na die volgende adres gestuur word:
Die Hoof: Onderwys
Wes-Kaap Onderwysdepartement
Vir aandag: Mnr N Riddles
Direktoraat: Eksamenadministrasie
Privaatsak X9114
Kaapstad
8000;
Aansoeke moet die Departement teen 21 Augustus 2009 bereik. Indien u enige navrae het, skakel asseblief vir Mnr M Cameron (tel.021-4672964) of Mnr N Riddles (tel.021-4672992).
|
| 7. |
Suksesvolle aansoekers sal skriftelik van hulle aanstellings in kennis gestel word. Verdere korrespondensie rakende die nasienproses sal dan ook aan hulle gestuur word. |
| 8. |
Die aangehegte ontvangserkenning moet by ontvangs van hierdie minuut voltooi word deur die skoolprinsipaal of sentrumbestuurder en aan die Departement teruggestuur word. |
| 9. |
Die WKOD maak staat op u samewerking en ondersteuning in hierdie belangrike saak. |
GETEKEN: Z MODIMAKWANE
HOOF: ONDERWYS
DATUM: 2009:08:06
|