| 1. |
WERWING EN AANSTELLING VAN OPSIENERS Bestuurders van volwasseneleersentrums word vriendelik versoek om geskikte persone uit die gemeenskap te werf om as hoofopsieners en hulpopsieners gedurende bogenoemde assessering op te tree. Nominasies vir alle opsieners moet so gou moontlik op Addendum A (geel vorm) by die IBB-Bestuurder ingedien word. Die IBB-Bestuurder moet sodanige aanstellings teen 3 September 2009 goedkeur. Die finale lys genomineerdes moet die Wes-Kaap Onderwysdepartement (WKOD) teen Maandag, 14 September 2009 bereik. Die nominasies moet vergesel wees van 'n gewaarmerkte afskrif van die identiteitsdokument en jongste akademiese rekord van elke genomineerde. Wanneer hoofopsieners genomineer word, moet die volgende in berekening gebring word: |
| 1.1 |
Die IBB-Bestuurder moet 'n persoonlike onderhoud voer met die persoon wat as hoofopsiener genomineer is. |
| 1.2 |
Die IBB-Bestuurder moet seker maak van die genomineerde se lees-, skryf-, gehoor- en sigvermoëns en van die persoon se gesondheid. |
| 1.3 |
Die IBB-Bestuurder moet bepaal of die persone wat as hoofopsieners genomineer is ook bereid is om as hoofopsieners vir die Junie 2010 BOOV Vlak 4-assessering (NKR1) op te tree. |
| 1.4 |
Hoofopsieners moet egter asseblief duidelik daarop gewys word dat hulle by hulle besluit moet hou indien hulle instem om as hoofopsieners vir Junie 2010 op te tree. |
| 1.5 |
Aansoekers of genomineerdes wat elders om 'n voltydse posisie aansoek gedoen het, moet verkieslik nie vir hierdie aanstellings in aanmerking kom nie. |
| 2. |
NOMINASIE VAN HOOFOPSIENERS
|
| 2.1 |
Addendum B (groen vorm - Nominasie van Hoofopsieners) moet deur die sentrumbestuurder ingevul en onderteken word waarna 'n afskrif onmiddellik aan die persoon wat as hoofopsiener genomineer is, oorhandig moet word. Dié nominasiebrief vir hoofopsieners bevat belangrike instruksies. 'n Gewaarmerkte afskrif van die genomineerde se ID en sy of haar jongste akademiese rekord (ten minste graad 12) moet by Addendum B aangeheg word. |
| 2.2 |
Tydens die onderhoud met die hoofopsiener moet die IBB-Bestuurder, nadat hy of sy hom of haar vergewis het dat die hoofopsiener bevoeg is om die vereiste pligte uit te voer, Addendum C (pienk vorm) aan die genomineerde oorhandig om in te vul waarna die vorm ook deur die IBB-Bestuurder onderteken moet word. |
| 3. |
NOMINASIE VAN HULPOPSIENERS Die sentrumbestuurder moet verklaar dat die persoon/persone wat as hulpopsiener(s) benoem word, geskik is om in hierdie hoedanigheid op te tree, waarna die IBB-Bestuurder moet aandui of die aanstelling van genomineerdes aanvaarbaar is. Addendum D (blou vorm) moet deur elke goedgekeurde hulpopsiener ingevul en onderteken word.
|
| 4. |
DIENSKONTRAK Alle hoof- en hulpopsieners moet bereid wees om 'n dienskontrak met die WKOD aan te gaan met betrekking tot hulle dienste en verantwoordelikhede gedurende die afneem van die eksamen. Die kontrak sal geldig wees vir die eksamen van Oktober 2009, en Junie 2010. |
| 5. |
INDIEN VAN NOMINASIEVORMS
|
| 5.1 |
Die ingevulde Addendums A, B, C, D, E en F moet onverwyld deur die IBB-Bestuurder by die Direktoraat: Eksamenadministrasie ingedien word. Hierdie vorms moet nie later nie as Maandag, 14 September 2009 by die Departement ingedien word en moet gemerk wees Vir aandag: mnr C. Slee, Kamer 529, WKOD-hoofkantoor. |
| 5.2 |
Let wel: Ten einde onnodige vertragings in die aanstelproses te vermy, moet IBB-Bestuurders seker maak dat al die ingevulde vorms saam, nie afsonderlik nie, na die Departement gestuur word. |
| 5.3 |
Let asseblief daarop dat geen persoon wie se aanstelling nie deur die IBB-Bestuurder goedgekeur is as opsiener mag optree nie. Opsieners mag onder geen omstandighede self plaasvervangers vir enige gedeelte van hul werk reël nie. Indien omstandighede verhoed dat 'n hoofopsiener of hulpopsiener toesig oor 'n assessering kan hou, moet die sentrumbestuurder in oorleg met die IBB-Bestuurder die benoeming van 'n plaasvervanger reël. Die WKOD moet onverwyld dienooreenkomstig verwittig word. Plaasvervangers moet ook hulle bankbesonderhede op Addendum E invul. |
| 6. |
KRITERIA VIR DIE AANSTEL VAN OPSIENERS
|
| 6.1 |
Normaalweg moet geen persoon vir aanstelling as hoof- of hulpopsiener oorweeg word nie indien hy of sy:
|
| 6.1.2 |
enige familieverwantskap het met 'n kandidaat wat geassesseer word; |
| 6.1.3 |
'n fasiliteerder is wat leerders vir die assessering voorberei; |
| 6.1.4 |
in enige hoedanigheid dien op die personeel van 'n bepaalde VLS; of |
| 6.1.5 |
die eggenoot of eggenote of enige ander familielid is van die hoofopsiener. |
| 6.2 |
Indien daar meer as 30 kandidate by een assesseringsessie is, is die WKOD bereid om vir so 'n sessie een hulpopsiener vir elke addisionele 30 kandidate of gedeelte daarvan aan te
stel, of een hulpopsiener vir elke kamer waarin daar kandidate geakkommodeer word, mits al die kamers vol is voordat 'n ekstra kamer gebruik word. |
| 6.3 |
By sessies waar daar slegs 'n klein getal kandidate is (tot 'n minimum van twee) sal die dienste van een hulpopsiener benodig word. In hierdie geval sal die hoofopsiener nie normale opsienersdiens verrig nie, buiten om 'n hulpopsiener af te los wat 'n kandidaat moet vergesel wat toegelaat is om die lokaal weens 'n dringende behoefte te verlaat.
|
| 6.4 |
Waar praktiese en teoretiese assesserings by dieselfde sessie afgeneem word, moet die dienste van 'n hulpopsiener gebruik word. |
| 6.5 |
Indien twee of meer hulpopsieners gebruik word waar daar twee of meer lokale gelyktydig benut word, sal die hoofopsiener nie normale opsienersdiens verrig nie. |
| 6.6 |
Hoofopsieners en hulpopsieners moet in besit wees van 'n akademiese kwalifikasie van ten minste graad 12. Indien dit nie die geval is nie, moet 'n skriftelike regverdiging vir daardie nominasie ingedien word.
|
| 6.7 |
Waar al die kandidate vroulik is, moet die hoofopsiener en die hulpopsieners vroulik wees. Waar die kandidate manlik en vroulik is en die hoofopsiener 'n man is, moet ten minste een van die hulpopsieners vroulik wees, of as die hoofopsiener 'n vrou is, moet ten minste een van die hulpopsieners 'n man wees.
|
| 6.8 |
Voorbeelde van die aantal opsieners wat aangestel mag word, word hieronder gegee
| AANTAL KANDIDATE |
AANTAL HOOFOPSIENERS |
AANTAL HULPOPSIENERS |
| 2 |
1 |
1 |
| 30 |
1 |
1 |
| 31 |
1 |
2 |
Die Direktoraat: Eksamenadministrasie moet in kennis gestel word indien addisionele opsieners gebruik word (sien tabel hierbo).
|
| 7. |
PLIGTE VAN DIE HOOFOPSIENER EN HULPOPSIENER
|
| 7.1 |
Die pligte van die hoofopsiener en opsiener verskyn in ADDENDUMS A en B van die dienskontrak vir hoofopsieners en hulpopsieners. Hierdie pligte moet bevredigend uitgevoer word gedurende die afneem van die assessering.
|
| 7.2 |
Hoofopsieners moet die WKOD se opleiding vir toesighouding bywoon. |
| 7.3 |
Sentrumbestuurders moet seker maak dat alle hulpopsieners behoorlik opgelei is voordat hulle toegelaat word om die assesseringslokaal binne te gaan. Alle hulpopsieners moet die bywoningsregister teken om te bevestig dat hulle die nodige opleiding ondergaan het. |
| 7.4 |
Opsieners moenie kandidate gedurende die loop van die assesseringsessie sonder toesig laat nie. |
| 7.5 |
Opsieners mag nie kandidate behulpsaam wees met enige ongerymdhede gedurende die afneem van 'n assessering nie. Die WKOD sal nie huiwer om kriminele klagtes teen enige opsiener te lê wat skuldig bevind word aan deelname aan 'n ongerymdheid nie. |
| 7.6 |
Die hoofopsiener moet die sentrumbestuurder behulpsaam wees by die nagaan van alle pakke vraestelle wat ontvang word. Hy of sy moet vir een addisionele sessie vir hierdie taak vergoed word, ongeag die aantal pakke of die afstand wat afgelê is om teenwoordig te wees vir die ontvangs en nagaan van die vraestelle.
|
| 7.7 |
Die hoofopsiener moet ook die sentrumbestuurder help om 'n register by te hou wat deur die sentrumbestuurder, vakhoof en hoofopsiener onderteken moet word wanneer 'n stel vraestelle uit die kluis verwyder word. |
| 7.8 |
Die hoofopsiener en hulpopsieners moet hulle identiteitsdokumente en kontrakte by hulle hê gedurende die afneem van die assessering.
|
| 7.9 |
Voordat die assessering 'n aanvang neem, moet elke opsiener seker maak dat die assesseringslokaal bevredigend is vir die afneem van die assesserings.
|
| 8. |
OPLEIDING VAN OPSIENERS
|
| 8.1 |
Die hoofopsiener moet ingelig word dat hy of sy verplig is om opleidingsessies vir opsieners by te woon. |
| 8.2 |
Hoofopsieners wat binne 'n radius van 75 km van 'n VLS of 'n opleidingsentrum woon, sal vir een addisionele sessie vergoed word. |
| 8.3 |
Hoofopsieners wat buite 'n radius van 75 km van 'n VLS of 'n opleidingsentrum af woon, sal vir twee addisionele sessies vergoed word. |
| 8.4 |
Hulpopsieners sal nie vergoed word vir die bywoning van die opleidingsessies nie. |
| 9. |
VERGOEDING VAN OPSIENERS
|
| 9.1 |
Die WKOD stel opsieners aan en besoldig hulle ooreenkomstig die Personeeladministrasiemaatreëls (PAM). |
| 9.2 |
Personeel in diens van gevangenisse wat as opsieners vir die BOOV Vlak 4-assessering optree, ontvang geen addisionele besoldiging nie. Indien opsieners nie in diens van die gevangenis is nie, moet die WKOD skriftelik in kennis gestel word. |
| 9.3 |
Administratiewe personeel en onderwysers wat 'n salaris van die Departement ontvang en wat ook as opsieners optree, sal nie deur die Departement vergoed word vir die opsienerdiens nie. |
| 9.4 |
Die tariewe is tans R114,65 per sessie vir hoofopsieners en R76,45 per sessie vir hulpopsieners. (Die tariewe is onderhewig aan verandering). |
| 9.5 |
ONDER GEEN OMSTANDIGHEDE SAL REISKOSTE AAN OPSIENERS BETAAL WORD NIE. Sentrumbestuurders moet dus opsieners aanstel wat deel is van die gemeenskap wat die VLS bedien.
|
| 9.6 |
Indien 'n persoon tydens dieselfde sessie vir beide BOOV Vlak 4 en Senior Sertifikaat-eksamen opsienerswerk verrig, kan hy of sy slegs een keer vir daardie sessie eis.
|
| 9.7 |
L.W. Die regulasies met betrekking tot die aftrekking van werknemersbelasting (IRP10) bepaal dat salarisse van persone wat deeltyds in diens is, onderworpe is aan 'n belastingaftrekking van 25%. Die WKOD sal gevolglik die 25% vir belasting van elke opsiener se vergoeding aftrek. Die indien van die sertifikaat vir werknemersbelastingaftrekking (IRP 3) geld derhalwe nie meer nie. Opsieners wat kwalifiseer om kwytskelding of gedeeltelike kwytskelding van die betaling van werknemersbelasting moet dus na ontvangs van hul IRP 5-sertifikaat (besonderhede van aftrekking van werknemersbelasting) die sertifikaat tesame met die voorgeskrewe IT I2.S-vorm by hul plaaslike belastingkantoor indien. Die IRP5-sertifikaat word normaalweg gedurende Mei en Junie van die jaar ná die opsienerdiens na die opsieners se huis- of posadresse gepos.
VOORBEELDE
| |
Aantal sessies |
Tarief |
Bruto |
Belasting (Minus 25%) |
Netto bedrag |
| Hoofopsiener |
12 |
R 114,65 |
R 1375,80 |
R 343,95 |
R 1031,85 |
| Hulpopsiener |
12 |
R 76,45 |
R 917,40 |
R 229,35 |
R 688,05 |
|
| 9.8 |
Hoofde van gevangenisse moet asseblief daarop let dat dit verpligtend is om die aannamevorms (Addendums C en D) te voltooi en aan die WKOD terug te besorg. |
| 9.9 |
Ten einde die uitbetaling van opsienerseise te bespoedig, moet elke hoof- en hulpopsiener hul identiteitsnommer op die aannamevorm aanbring en 'n afdruk van die identiteitsdokument by die aannamevorms aanheg. |
| 9.10 |
Addendum E moet ingevul word deur genomineerdes by sentrums wat nie in staat is om te help met die betaling van hulle opsieners nie. Die vorm moet ingevul word en gewaarmerk word en die bankrekening moet deur die betrokke bank as aktief verklaar word. Daar moet weereens beklemtoon word dat dit noodsaaklik is dat alle hoof- sowel as hulpopsieners oor bankrekeninge moet beskik ten einde die uitbetaling te fasiliteer. Geen tjeks sal uitgereik word nie. |
| 10. |
FASILITEITE VIR DIE SKRYF VAN DIE EKSAMEN |
| 10.1 |
Die hoofopsiener moet ten minste 'n maand voordat die assessering begin in oorleg met die sentrumbestuurder seker maak dat voldoende geskikte eksamenfasiliteite beskikbaar is vir al die kandidate wat vir die assessering ingeskryf het. |
| 10.2 |
Kandidate moet geplaas word met voldoende ruimte tussen hulle om die moontlikheid van enige ongerymde gedrag uit te skakel. Die saal en/of die aantal klaskamers wat nodig sal wees, moet opgestel word om die volgende ruimtes om die lessenaars of tafels te laat:
- 'n Ruimte van 150 cm aan weerskante van elke lessenaar of tafel
- 'n Ruimte van 120 cm voor en agter elke lessenaar of tafel
|
| 10.3 |
Die IBB-Bestuurder moet voor die aanvang van die assessering besoeke aan die assesseringsentra in sy kring bring om vas te stel of aan hierdie voorskrif voldoen is. |
| 11. |
PLIGTE VAN DIE SENTRUMBESTUURDER
|
| 11.1 |
Aanspreeklikheid vir die behoorlike afneem van die eksamen berus by die sentrumbestuurder en die sentrum waar die eksamen geskryf word. |
| 11.2 |
Die sentrumbestuurder moet seker maak dat vraestelle veilig en in volgorde in die kluis gestoor word, dat die eksamenlokale bevredigend is en dat hoofopsieners en opsieners behoorlik opgelei is. |
| 11.3 |
Sentrumbestuurders word versoek om in oorleg met die IBB-Bestuurder toe te sien dat bevredigende reëlings vir die assessering getref word en dit van so 'n aard is dat die kandidate nie gedurende assesseringsessies gesteur sal word nie. |
| 12. |
Maak asseblief seker dat 'n afskrif van hierdie Eksamenadministrasieminuut aan die hoofopsiener en elke hulpopsiener gegee word.
|
GETEKEN: T SINGH
HOOF: ONDERWYS
DATUM: 2009:06:10
|