| 1. |
Eksamenskrifte, saam met alle ander eksamenverwante dokumente, moet verpak word ooreenkomstig die prosedures bepaal in die Prosedurehandleiding vir Prinsipale, Sentrumbestuurders, Hoofopsieners en Opsieners, en moet gestuur word aan die Departement op die afhaaldatums in paragraaf 3 hieronder. |
| 2. |
Onder geen omstandighede mag eksamenskrifte aan die Departement gepos word of persoonlik deur prinsipale of hoofopsieners afgelewer word nie. |
| 3. |
Skynet sal die skrifte tussen 08:00 en 15:00 op die volgende datums by eksamensentrums afhaal en by die Departement aflewer:
| Donderdag |
30 April 2009 |
SS |
| Dinsdag |
05 Mei 2009 |
SS |
| Donderdag |
07 Mei 2009 |
SS |
| Dinsdag |
12 Mei 2009 |
SS |
| Donderdag |
14 Mei 2009 |
SS |
| Dinsdag |
19 Mei 2009 |
SS |
| Donderdag |
21 Mei 2009 |
SS |
| Dinsdag |
26 Mei 2009 |
SS |
| Donderdag |
28 Mei 2009 |
SS |
| Dinsdag |
02 Junie 2009 |
SS & OOV-V4 |
| Donderdag |
04 Junie 2009 |
SS & OOV-V4 |
| Dinsdag |
09 Junie 2009 |
SS & OOV-V4 |
| Donderdag |
11 Junie 2009 |
SS & OOV-V4 |
| Maandag |
15 Junie 2009 |
SS & OOV-V4 |
| Donderdag |
18 Junie 2009 |
SS & OOV-V4 |
| Dinsdag |
23 Junie 2009 |
SS & OOV-V4 (Finale afhaal OOV-V4) |
| Donderdag |
25 Junie 2009 |
SS |
| Vrydag |
26 Junie 2009 |
SS (Finale afhaal SS) |
|
| 4. |
TERUGSENDING VAN SKRIFTE
|
| 4.1 |
Maak asseblief seker dat die volgende dokumente volledig en korrek voltooi word:
- Courier Collection Register, elke dag wat die Skynet-verteenwoordiger kom afhaal
- Confirmation of Final Collection, faks deur wanneer die Skynet-verteenwoordiger die finale pakke skrifte by die sentrum afhaal
|
| 4.2 |
Onmiddellik na die beëindiging van elke sessie moet die skrifte van die betrokke sessie in bondels gegroepeer word volgens die punteblad/-blaaie en verseël word in 'n grys plastieksak. (Bondels van verskillende vakke mag in dieselfde sak gesit word.) Die kleiner verseëlde sessie-sakke moet almal saam in 'n groter sak gesit word om die getal sakke/pakkette per besending tot die minimum te beperk.Onder geen omstandighede mag plastieksakke wat minder as 200 skrifte bevat, teruggehou word op dae wat Skynet eksamenskrifte afhaal nie. Alle skrifte in u besit moet aan die koeriers gegee word as hulle kom. |
| 4.3 |
Nadat die Skynet-verteenwoordiger die pakke skrifte opgelaai het, sal 'n afskrif van die versendingsbrief aan u gegee word. Die hoofopsiener moet hierdie afskrif saam met die puntebladkontrolelyste liasseer vir rekorddoeleindes. |
| 4.4 |
Onder geen omstandighede mag die Senior Sertifikaat-geleibriewe vir enigiets anders gebruik word as vir die terugsending van eksamenverwante dokumente nie. Alle ongebruikte geleibriewe moet aan die Direktoraat: Eksamenadministrasie terugbesorg word saam met die finale pakke skrifte. |
| 5. |
Prinsipale/Sentrumbestuurders, bygestaan deur die hoofopsiener, moet teen 11h00 op 26 Junie 2009, voor die skool vir die einde van die kwartaal sluit, seker maak dat al die eksamenskrifte deur die koerier afgehaal is.Indien daar skrifte is wat nie afgehaal is nie, moet me M. Hollenbach van die Direktoraat: Eksamenadministrasie ONMIDDELLIK by tel. nr. 021 467 2960/1 daarvan in kennis gestel word. |
| 6. |
Om te verseker dat die proses ordelik verloop, word hoofde van inrigtings vriendelik versoek om die nodige reëlings te tref vir die veilige bewaring van vraestelle en antwoordskrifte. Hulle moet ook seker maak dat elke hoofopsiener 'n afskrif kry van hierdie Eksamenadministrasieminuut. |
GETEKEN: T SINGH
HOOF: ONDERWYS
DATUM: 2009:04:23
|