| 2. |
Let asseblief daarop dat die sluitingsdatum vir aansoeke vir die bogemelde toegewings verander is na 30 Maart 2009. Vir u gerief word 'n gewysigde aansoek vorm aangeheg.
|
| 3. |
Die volgende vereistes, soos vroeër bepaal in Omsendbrief 0013/2008, word weereens onder u aandag gebring.
|
| 3.1 |
'n Gewaarmerkte fotokopie van die kandidaat se identiteitsdokument moet alle aansoeke vergesel.
|
| 3.2 |
Ondersteunende dokumentasie moet alle aansoeke vergesel, d.w.s. uitvoerige mediese verslag, eksamenuitslae, en voorbeelde van handskrif en spel, waar van toepassing.
|
| 3.3 |
Aansoeke om bykomende eksamenskryftyd as gevolg van onvoorsiene omstandighede soos 'n arm- of vingerfraktuur wat opgedoen word na die bogemelde keerdatum, moet ook op die voorgeskrewe vorm ingedien word. In so 'n geval moet die aansoekvorm, mediese sertifikate en ander ondersteunende dokumente so gou as moontlik gefaks word vir aandag mnr. H.A.J. Coetzee, faksnommer 021 461 5637 of 086 696 8927.
|
| 3.4 |
In die geval van sulke onvoorsiene omstandighede is tyd 'n belangrike faktor. Skoolhoofde en onderwysers word dus versoek om die volgende te doen om die proses te verhaas:
|
| 3.4.1 |
Bel vir mnr. Coetzee by tel.nr. 021 467 2921 en kom ooreen oor die datum en tyd waarop die faks gestuur sal word ten einde onmiddellike aandag aan die aansoek te verseker.
|
| 3.4.2 |
Daarna moet al die toepaslike dokumente so gou as moontlik óf afgelewer óf gepos word aan die volgende adres:
Hoof: Onderwys
Vir aandag: Mnr. H.A.J. Coetzee
Direktoraat: Eksamenadministrasie
Wes-Kaap Onderwysdepartement
Privaatsak X9114
Kaapstad
8000
|
GETEKEN: LC ARENDSE
HOOF: ONDERWYS
DATUM: 2009:03:20
|