| 1. |
Leesskemas en reekspakke |
| 1.1 |
Kurrikulum AOO-Minuut DCG 0017/2008 is op 24 November 2008 aan geselekteerde skole gestuur. Dit voorsien die name van die 250 skole wat deelneem aan die bekendstelling van die Geletterdheids-Gesyferdheidsintervensie vir 2009. |
| 1.2 |
Die Geletterdheids-Gesyferdheidsintervensie het ten doel die ontwikkeling van die leesvaardighede wat vir leer en lewe benodig word. Die WKOD het pakke van gegradeerde leesmateriaal voorsien aan die teikenskole wat deel was van die eerste fase van die Geletterdheids-Gesyferdheidsveldtog in 2009-2010. |
| 1.3 |
Die skole wat Geletterdheidsopleiding ontvang het, moet vanaf Januarie 2010 begin met die gebruik van hierdie leesskemas. Skole wat Gesyferdheidsopleiding ontvang het, moet seker maak dat die leesboeke op 'n veilige plek bewaar word totdat hulle in Julie 2010 die voorgeskrewe metodologie ontvang. |
| 1.4 |
Prinsipale word versoek om ontvangs van materiaal te bevestig deur die aangehegte vorm te voltooi en in te dien by me B Claasen by faksnr. 021 467 2258 of e-pos-adres Brclaasen@pgwc.gov.za teen nie later nie as Maandag 31 Augustus 2009. |
| 2.1 |
Kurrikulum AOO-Minuut DCG 0016/2008 van 17 November 2008 verwys na die voorsiening van muurkaarte aan alle Intermediêrefase-klaskamers. Die Grondslae-vir-Leerveldtog het ten doel die skep van 'n atmosfeer van leer in elke klaskamer.
|
| 2.2 |
Ten einde skole te help om klaskamers wat ryk is aan drukwerk te skep, is 'n aantal muurkaarte wat alle leerareas dek geselekteer deur onderwyskundiges vir vertoning in graad 4 tot 6-klaskamers. Multigraadskole het 30 muurkaarte ontvang terwyl ander gewone openbare skole 60 muurkaarte ontvang het. Daar is 20 kaarte per graad, en hulle moet verdeel word onder klaskamers om 'n visuele stimulus tot leer te voorsien. |
| 3. |
Prinsipale word versoek om 'n inventaris van items wat ontvang is, by te hou en te verseker dat al die muurkaarte in die Intermediêrefaseklaskamers ten toon gestel word. |
GETEKEN: SM NAICKER
HOOF: ONDERWYS
DATUM: 2009:08:20
|