1.

Reaksie op 'n behoefte

Onderwysers van die Intermediêre Fase het verdere leiding aangevra oor die standaard van Wiskunde wat in die Intermediêre Fase vereis word. Om hierdie rede sal voorbeelde van assesseringstake vir Wiskunde Intermediêre Fase gepos word aan alle WKOD-skole en alle beskikbare Wiskundebronne is op een CD geplaas. Hierdie CD sal ook aan primêre skole gepos word. Die materiaal sal ondersteuning bied by die implementering van die WKOD-werkskedules en onderwysersgidse.

2.

Inhoud

Die ondersteuningsmateriaal bestaan uit die volgende:

2.1 Boeke
  • Assesseringstaakvoorbeelde vir Wiskunde graad 4;
  • Assesseringstaakvoorbeelde vir Wiskunde graad 5;
  • Assesseringstaakvoorbeelde vir Wiskunde graad 6;

Die assesseringstake is in ooreenstemming met die WKOD-werkskedules en onderwysersgidse en is in Engels en Afrikaans beskikbaar.

2.2

Kompakskyf

Dit is 'n CD met Wiskunde Intermediêre Fase bronmateriaal. Die CD bevat die volgende:

  • WKOD werkskedules vir graad 4 - 6;
  • Graad 4 - 6 Onderwysershandleiding;
  • Assesseringstaakvoorbeelde vir graad 4 - 6 (dieselfde as 2.1, maar in elektroniese formaat). Die assesseringstake is in 'PDF'- en in 'Word'-formaat bewaar. Onderwysers kan die 'Word'-dokumente verander of daarby byvoeg. (LW: Die formaat mag verander wanneer u die 'Word'-dokument op u rekenaar oopmaak. Kontroleer dus die grafika, breuke, ens.);
  • Sjablone en Werkblaaie kan aangewend word in die klas of vir huiswerk;
  • Hoofrekene-beplanningsvorms wat die gebruik van blaaiboeke dek sowel as die twaalf hoofrekenestrategieë wat in die Multigraadprojek uiteengesit word;
  • Die gebruik van rekenaargebaseerde programme. Dit sluit in die eksakte aktiwiteit in Cami, Robo, ens. wat die inhoud van die WKOD-werkskedules ondersteun;

Die CD-materiaal is beskikbaar in Engels en in Afrikaans.

3. Verspreiding
3.1 Die CD sal onder alle skole versprei word teen die einde van Julie 2009. Indien skole nog nie hierdie CD teen 31 Julie 2009 ontvang het nie, stuur asseblief 'n e-pos aan lymalan@pgwc.gov.za of stuur 'n faks met die opskrif Aandag: L. Malan, na faksnommer 021 467 2620 om die WKOD in te lig dat die materiaal nog nie opgedaag het nie;
3.2 Drukstukke van die assesseringstaakvoorbeelde sal slegs aan primêre skole van die WKOD gepos word. Afrikaanse afskrifte sal gepos word aan skole vroeg in die derde kwartaal en Engelse afskrifte sal skole later bereik. (LW: Die leerstof is elektronies vasgelê op die CD.) Afskrifte vir onafhanklike skole en addisionele afskrifte kan gehuur word van Edumedia (tel. No. 021 689 2641 of faksno. 021 685 7421).

4. Bemiddeling en bystand

Die kurrikulumadviseur vir Wiskunde in elke distrik kan bystand aan skole verleen met die gebruik van die CD en die assesseringstaakvoorbeelde.

5. Webtoegang:

Teen die einde van Julie 2009 sal die materiaal en die CD ook beskikbaar wees op die kurrikulumwebtuiste by http://curriculum.pgwc.gov.za/site/121/page/view. Onderwysers wat addisionele materiaal het wat die WKOD werkskedules kan komplementeer, word vriendelik versoek om hierdie inligting aan te stuur aan me Lynette Malan by lymalan@pgwc.gov.za sodat dit bygevoeg kan word op die webtuiste.

6. Voorstel:

Daar word voorgestel dat 'n onderwyser by elke skool die CD aan die Wiskunde-onderrigpersoneel bekend stel sodat hierdie maklik bruikbare bron nie vir hulle vreemd sal wees nie. Die WKOD hoop dat hierdie CD 'n waardevolle hulpmiddel sal wees vir alle onderwysers van die Intermediêre Fase.


GETEKEN: SM NAICKER
HOOF: ONDERWYS
DATUM: 2009:06:05