Op alle graadvlakke kom onderwysers leerders teë wat probleme met wiskunde ondervind. Daar is baie redes vir sulke probleme en 'n kompakte skyf (CD) wat binnekort aan skole uitgereik sal word, bied 'n maklike manier om elke leerder se stoornis te identifiseer, en gee raad oor hoe om dit te hanteer.

Die CD is vir die gebruik van onderwysers en nie leerders nie. Dit verskaf aan onderwysers

• hulp met die identifisering van leerders wat stoornisse in die aanleer van wiskunde ondervind;
• verdere inligting oor die moontlike stoornisse;
• voorgestelde onderrigstrategieë wat gebruik kan word om die leerder te help, en
• voorbeelde van werkblaaie wat gebruik kan word.

Die CD sal in die eerste kwartaal van 2009 soos volg uitgereik word:

• Kringspanne sal elke primêre en spesiale skool van een eksemplaar voorsien.
• Leerondersteuningsadviseurs in elke kring sal een eksemplaar aan elke leerondersteuningsonderwyser voorsien.

Eksemplare vir onafhanklike skole en addisionele eksemplare kan deur Edumedia bestel word (tel. nr. 021 689 2641 of faksnr. 021 685 7421).

Die leerondersteuningsadviseur in elke kring sal sessies aanbied om die CD aan onderwysers te verduidelik. Skole sal in kennis gestel word van wanneer hierdie sessies sal plaasvind. Enige probleme met toegang tot die CD moet verwys word na u LAN-administrateur of IT-bystandspersoon.

Teen die einde van Februarie 2009 sal die inligting op die CD ook beskikbaar wees op die kurrikulumwebwerf by http://curriculum.pgwc.gov.za/site/121/page/view sodat onderwysers inligting kan byvoeg en sodoende bydra tot die ontwikkeling van hierdie waardevolle hulpbron. Onderwysers wat ander suksesvolle onderrigstrategieë en werkblaaie vir verskillende stoornisse tot wiskunde het, word versoek om hierdie inligting aan me Lynette Malan by lymalan@pgwc.gov.za sodat dit by die inligting op die webwerf gevoeg kan word.

Daar word voorgestel dat, in elke skool, 'n onderwyser die CD aan die onderwys- en ondersteuningspersoneel moet bekendstel as 'n manier om hierdie gebruikersvriendelike hulpbron bekend te maak. Die WKOD vertrou dat hierdie CD 'n waardevolle hulpbron sal wees vir alle onderwysers aan primêre en spesiale skole.