| 1. |
Die AMESA Uitdaging is 'n jaarlikse wiskunde-uitdaging vir leerders in graad 4 - 7. Aangeheg is instruksies plus 'n meesterkopie van die vraestelle, die antwoordblad en die memorandum vir die eerste ronde van die Amesa Uitdaging vir 2009. Die MSWord-dokumente kan van http://www.sun.ac.za/mathed/Challenge.zip afgelaai word. |
| 2. |
Die Uitdaging is bedoel om 'n middel te wees om wiskunde te populariseer en om die gehalte van die onderrig en leer van wiskunde te verhoog. Dit is nie 'n skolastiese toets nie, maar toets konseptuele kennis, die toepassing van kennis op nuwe situasies, probleemoplossing en algemene wiskundige denke om sodoende die nuwe kurrikulum te ondersteun. |
| 3. |
Skole wat in die AMESA Uitdaging wil deelneem moet die skool se inligting en die uitslae van die leerders wat wil inskryf vir die tweede ronde teen 17 September 2009 na die Streeksorganiseerder stuur. |
| 4. |
Die Distrikte se Wiskundekurrikulumadviseurs het reeds hierdie inligting aan hulle skole ge-e-pos. Hierdie minuut bevestig hulle e-posse. |
| 5. |
Lees asseblief die aangehegte instruksies vir verdere besonderhede oor die AMESA Uitdaging. |
| 6. |
Die AMESA Wiskunde-uitdaging se materiaal kan deur die jaar gebruik word om kritiese denke by die leerders te stimuleer. Die WKOD wil alle skole aanmoedig om deel te neem aan hierdie Uitdaging tot voordeel van hulle leerders. |
GETEKEN: SM NAICKER
WND. HOOF: ONDERWYS
DATUM: 2009:09:02
|