| 1.1 |
Die nasionale Departement van Onderwys (DvO) het onlangs 'n Nasionale Leesstrategie ontwerp as deel van die omvattende reaksie op die hantering van die huidige lae vlakke van geletterdheid in Suid-Afrika. |
| 1.2 |
In die ontwikkeling van hierdie Nasionale Leesstrategie neem Suid-Afrika deel aan 'n aantal Verenigde Nasies-ontwikkelingsveldtogte. Dit sluit in die UNESCO Geletterdheidsdekade 2003 -2013 en die Onderwys-vir-Almal-veldtogte wat daarop gemik is om geletterdheidsyfers teen die jaar 2015 met 50% te vermeerder. Die veldtogte is gebaseer op die Millenniumontwikkelingsdoelwitte waaronder geletterdheidsbevordering prominent is. |
| 1.3 |
Die Nasionale Leesstrategie is vervat in 'n 24-bladsy publikasie wat gedurende Augustus en September 2009 aan alle skole gepos sal word. |
| 2. |
DIE BEREDENERING VIR 'N NASIONALE LEESSTRATEGIE |
| 2.1 |
Die DvO se Nasionale Leesstrategie herinner ons aan die ontsaglike geletterdheidsuitdagings wat SA in die gesig staar, en streef daarna om die lees-aspek van geletterdheid in alle Suid-Afrikaanse skole te bevorder en te versterk. Dit is 'n inklusiewe strategie wat toegespits is op alle leerders, insluitende dié met leerstoornisse, in spesiale skole en in jeugsorgsentrums
|
| 2.2 |
Dit dien as 'n bestuursinstrument wat die visie vir die verbetering van die leesvermoëvlakke onder leerders uiteensit en aandui hoe die DvO beoog om daardie visie ten uitvoer te bring. |
| 2.3 |
Dit versterk die Nasionale Kurrikulumstrategie en die Grondslae-vir-Leer-veldtog. |
| 2.4 |
Die strategie versterk die posisie van die Internasionale Leesvereniging wat 'n gebalanseerde taalbenadering tot die onderrig van lees voorstaan.
|
| 2.5 |
Dit beklemtoon lees vir genot, wat aan die hart van die WKOD se Leeshalfuur lê. |
| 3. |
VOORSTELLE OOR HOE OM HIERDIE DOKUMENT TE GEBRUIK
|
| 3.1 |
Die koms van die Strategiedokument sal Geletterdheidsweek ondersteun. Byvoorbeeld:
- Dit kan gebruik word om bewustheid van leesuitdagings en doelwitte te verhoog.
- Skole kan hulle eie leesstrategie in heroorweging neem in die lig van die Nasionale Strategie en die WKOD se Geletterdheid- en Gesyferdheidstrategie.
- Elke Geletterdheids-/Taalkoördineerder of DH kan tydens 'n personeelontwikkelingsvergadering die dokument met alle onderwysers behandel.
|
| 3.2 |
Die praktiese vereistes en voorstelle van die Nege Leesstappe moet as 'n teikenstandaard vir beste praktyk gebruik word. |
| 4.1 |
Die WKOD bedank graag onderwysers, prinsipale en beamptes wat steeds daaraan werk om die geletterdheidsvlakke van alle leerders te verbeter. |
| 4.2 |
Ons vertrou dat hierdie strategie sal dien as 'n verdere hulpbron vir die bereiking van ons doelwit: "Alle skole behaal teen 2011 nie minder nie as 'n 50%-geletterdheidsyfer." |
GETEKEN: SM NAICKER
HOOF: ONDERWYS
DATUM: 2009:08:25
|