| 1. |
As gevolg van die laat voltooiing van die nuwe NKV-gerigte MIV/VIGS-LOOM en die daaropvolgende vertaling van hierdie materiaal in al die amptelike tale van die provinsie, sal die MIV/VIGS-LOOM laat by skole afgelewer word. Ons maak verskoning vir die ongerief. Aflewering aan skole sal na verwagting van Mei tot Julie 2009 geskied - afgesien van graad 10 tot 12-LOOM wat in April 2009 aan skole beskikbaar gestel sal word.
|
| 2. |
Onderwysers van Lewensoriëntering wat deur hierdie vertragings geraak word, word versoek om hulle skedules dienooreenkomstig aan te pas.
|
| 3. |
Skole wat nog van die vorige jaar se voorraad het, word versoek om hulle oortollige materiaal te skenk aan skole wat 'n tekort ondervind. Kontak asseblief die MIV/VIGS-koördineerder by u onderwysdistrikskantoor as hulp benodig word met die skenking van voorraad.
|
| 4. |
Let asseblief daarop dat die MIV/VIGS-LOOM wat afgelewer sal word, bykomende materiaal is wat kosteloos aan skole beskikbaar gestel word. Onderwysers word aangemoedig om hierdie materiaal aan te pas om in hulle leerders se behoeftes te voorsien.
|
| 5. |
Prinsipale word versoek om die inhoud van hierdie minuut onder die aandag van die skool-MIV/VIGS-koördineerder en onderwysers van Lewensoriëntering te bring.
|
GETEKEN: SM NAICKER
HOOF: ONDERWYS
DATUM: 2009:04:06
|