| 1.1 |
Census@school is 'n internasionale onderwysprojek wat toegespits is op datahantering waar leerders basiese inligting oor hulself insamel. Die Census@school-projek is in 2001 in Suid-Afrika geïnisieer deur Statistics South Africa in samewerking met die nasionale Departement van Onderwys.
|
| 1.2 |
Die 2009 Census@school-projek sal op nasionale vlak by geselekteerde skole onderneem word. Die projek betrek leerders van graad 3 tot 12 wat moet deelneem aan data-insameling, -hantering en -analise.
|
| 1.3 |
Die inligting wat ingewin word, sal deel uitmaak van 'n nasionale databasis wat sal dien as 'n hulpbron vir onderwysers en leerders in die onderrig en leer van datahantering soos van toepassing op 'n verskeidenheid van vakke en leerareas.
|
| 1.4 |
'n Verstandhoudingsooreenkoms waarin die samewerking tussen Statistics South Africa en die Departement van Onderwys in die Census@school-projek uiteengesit word, is onderteken.
|
| 2. |
DOELWITTE VAN PROJEK
Die doelwitte van die projek is soos volg:
|
| 2.1 |
Om 'n bewustheid van hoe nasionale sensusdata versamel word, en van die voordele daarvan vir die samelewing, te kweek
|
| 2.2 |
Om leerders se statistiese en numeriese geletterdheidsvaardighede te ontwikkel
|
| 2.3 |
Om leerders se datahanteringsvaardighede te verbeter
|
| 2.4 |
Om kontekstuele materiaal aan onderwysers en leerders te voorsien vir gebruik in onderrig en leer
|
| 3. |
LOGISTIEKE REËLINGS IN DIE WES-KAAP
|
| 3.1 |
Statistics South Africa het 218 skole in die Wes-Kaap lukraak geselekteer vir deelname aan hierdie projek (kyk Bylae A). Die verspreiding oor onderwysdistrikte is soos volg:
| | ONDERWYSDISTRIK | GETAL SKOLE |
| 1 | Metro SentraAl | 29 |
| 2 | Metro Oos | 22 |
| 3 | Metro Noord | 32 |
| 4 | Metro Suid | 29 |
| 5 | Eden & Sentraal Karoo | 30 |
| 6 | Overberg | 39 |
| 7 | Weskus | 17 |
| 8 | Kaapse Wynland | 20 |
| | Totaal | 218 |
|
| 3.2 |
Die streekkantoor van Statistics South Africa het 'n aantal veldwerkers in elke distrik aangestel om die projek in hierdie 218 skole te implementeer.
|
| 3.3 |
Die veldwerkers sal die vraelyste teen 23 Maart 2009 aan skole besorg.
|
| 3.4 |
Hierdie veldwerkers sal ook skakel met die Kurrikulumadviseurs van Wiskunde en Wiskundige Geletterdheid sodat die adviseurs skole met hierdie projek behulpsaam kan wees.
|
| 3.5 |
Prinsipale word versoek om reëlings te tref vir 'n periode van ongeveer 1 uur in die laaste skoolweek van die 1ste skoolkwartaal van 2009, waartydens alle leerders in graad 3 tot 12 'n vraelys sal voltooi. Dit staan onderwysers vry om leerders voor te berei deur hulle op die dag wat die dag waarop hulle die vraelys moet invul voorafgaan, te voorsien van 'n werkblad wat hulle opdrag gee om van die data in te samel, bv. die afstand van hulle huise na die skool.
|
| 3.6 |
Die veldwerkers sal tussen 2 en 6 April 2009 al die voltooide vraelystel afhaal.
|
| 3.7 |
Indien skole bykomende inligting verlang, word hulle aangeraai om met Desiree Timmet, provinsiale koördineerder van Maths4stats in verbinding te tree. Haar kontakbesonderhede is soos volg:
E-pos: desireet@statssa.gov.za
Tel: 021 423 1040
Faks: 086 623 8583
Sel: 083 641 0128
|
GETEKEN: SM NAICKER
HOOF: ONDERWYS
DATUM: 2009:03:19
|