1. SABC Onderwys

Die nasionale Departement van Onderwys (DvO), in samewerking met SABC Onderwys het Study Mate TV in 2009 van stapel gestuur. SABC TV sal voortgaan met die graad 12 hersieningsprogram in 2010, maar sal Matrix Uploaded insluit, wat graad 10, 11 en 12 sal dek. Hierdie TV-program sal ook eksamenwenke, vasvra-kompetisies en lewendige inter-aksie met leerders insluit. Die skedule vir die program, wat op 18 Januarie 2010 begin, is as volg:

DagTydVakkeTV-kanaal
Maandag14:00 tot 15:00
05:00 tot 06:00
Wiskunde of
Wiskundige Geletterdheid
SABC 1
Dinsdag14:00 tot 15:00
05:00 tot 06:00
Fisiese WetenskappeSABC 1
Woensdag14:00 tot 15:00
05:00 tot 06:00
Besigheidstudies
Ekonomie
Rekeningkunde
SABC 1
Donderdag14:00 tot 15:00
05:00 tot 06:00
Engels (EAT)
Afrikaans (EAT)
SABC 1
Vrydag14:00 to 15:00
05:00 to 06:00
Landbouwetenskappe
Lewenswetenskappe
SABC 1
Saterdag en Sondag05:00 tot 06:00Toerisme
Geografie
Geskiedenis
SABC 1

2. Study Mate en Studiepêl

Die DvO sal twee uitgawes van Study Mate en Studiepêl uitgee. Die eerste 16-bladsye uitgawe in ponieformaat sal in Maart 2010 gepubliseer word. Die publikasie sal uitgereik word aan distrikskantore teen die einde van die eerste kwartaal. Hierdie uitgawe sal die Know the Expert-reeks bevat. Dit sal graad 12-kandidate help om te beplan vir die Nasionale Senior Sertifikaat- (NSS-) eksamen van 2010.

Die tweede uitgawe sal in Junie gedruk word en sal aan distrikskantore uitgereik word teen die einde van die tweede kwartaal, wat leerders in staat sal stel om dit deur te werk tydens die vakansie van vyf weke. Hierdie publikasie van 48 bladsye sal voorbeeldvraestelle van die NSS bevat wat opgestel is deur onderwysers en geverifieer is deur DvO- vakkundiges.


3. Independent Newspapers - Study Mate - Vorige vraestelle en DVD's

Die DvO en Independent Newspapers sal 'n uitgawe van Study Mate lewer wat fokus op alle hoëregistrasievakke, en wat bestaan uit Maart 2009 en Maart 2010 se aanvullende NSS-eksamenvraestelle met nasienmemorandums. Hierdie uitgawe sal direk van Independent Newspapers verkrygbaar wees.

DVD's is vervaardig wat fokus op hoëregistrasievakke. Hulle spog met onderwyskundiges en DvO-kurrikulumdeskundiges wat leerders bystaan met eksamenvraestelle, wat algemene foute bespreek en waardevolle wenke gee. Dit is beskikbaar as 'n pakket met Study Mate se vorige vraestelle. Die DVD's is slegs in Engels beskikbaar.


4. Independent Newspapers - Study Mate - Vorige vraestelle

Die DvO, saam met Independent Newspapers, sal 'n stel DVD's opneem sowel as werkboeke lewer vir graad 10, 11 en 12, om aan leerders hulp te verskaf met moeilike eksamenvrae. Die DVD's sal direk van Independent Newspapers verkrygbaar wees.


5. Sunday Times - Voorbeeldvraestelle

In die 3de kwartaal van 2010, sal Avusa Media 'n boek van 52 bladsye in ponieformaat publiseer, wat bestaan uit voorbeelde van eksamenvraestelle en memorandums vir graad 12-leerders as byvoegsels tot die Sunday Times en Sowetan.

Ongeveer 700 000 kopieë sal in hierdie twee koerante versprei word. 'n Addisionele 500 000 kopieë sal vir verspreiding onder skole gedruk word. Ouers en onderwysers word aangemoedig om hierdie koerante aan te koop en die byvoegsel aan graad 12-leerders beskikbaar te stel. Die voorbeeldevraestelle sal deur ervare onderwyskundiges opgestel word, in samewerking met DvO se vakkundiges in Engels EAT, Wiskunde, Wiskundige Geletterdheid, Fisiese Wetenskappe, Lewenswetenskappe, Rekeningkunde, Toerisme, Geskiedenis en Geografie.


6. Maths 911 (Liberty Life) en Matric Matters op DSTV (Mindset)

Liberty Life en Independent Newspapers het Wiskunde 911 vir graad 10, 11 en 12 ontwikkel. Hierdie boeke sal geskenk word aan 200 skole wat deur Liberty Life gekeur is. Bykomende boeke sal te koop aangebied word direk vanaf Independent Newspapers. Die inhoud van hierdie boeke sal beskikbaar wees op die Thutong- en DvO- webtuistes.

Matric Matters, 'n byvoegsel wat weekliks in die publikasies van Independent Newspapers verskyn, sal gekoppel word aan die Maths 911-boeke. Die Mindset-programme op DSTV sal ook ondersteuning bied.


7. Groot Aktiwiteitspakkette

Die DvO, in samewerking met verskillende onderwysverskaffers uit die privaat sektor, beplan om 'n aktiwiteitspakket te produseer wat leerders tydens die skoolvakansies in Junie-Julie 2010 kan gebruik. Daar word voorgestel dat leerders voorsien word van hierdie aktiwiteite om hulle besig te hou gedurende die vakansietydperk van vyf weke. Afsonderlike pakke sal vir graad 10, 11 en 12 ontwikkel word. Elke pakket sal moontlik voorbeeldevraestelle bevat vir graad 10, sowel as lastige probleme, genotvolle aktiwiteite, en kaartjies vir opvoedkundige films en onderrig in verskillende vakke. Die pakket sal gekoppel word aan die 2010 Sokker Wêreldbeker.


8. Thutong-webtuiste

Vakkundiges by die DvO sal daarmee voortgaan om leergedeeltes oor die verskillende vakke op die Thutong-webtuiste te laat verskyn. 'n Spesiale afdeling is geskep om ondersteuning te verskaf vir graad 12-leerders in 2010. Hierdie ruimte sal die volgende bevat: boodskappe van die Minister, die jongste nuus, 'n aftel-afdeling tot die finale eksamen, aanmoediging vir kandidate, voorbeelde van eksamen-vraestelle, wenke oor hoe om vir die eksamen voor te berei en ook die NSS-eksamenrooster.


9. Mintek - Minquiz 2010

Mintek sal tydens die lang vakansie in Junie-Julie 2010 die jaarlikse Minquiz aanbied, 'n nasionale Wiskunde- en Wetenskapkompetisie vir graad 12. Vierhonderd skole, wat Dinaledi skole insluit, sal aan die kompetisie deelneem. Alleenlik skole wat 'n gemiddelde punt van ten minste 40% behaal het in Wiskunde sowel as Wetenskap in die 2009 Nasionale Senior Sertifikaat-eksamen, sal in aanmerking kom vir deelname. Mintek sal vorige Minquiz-vrae verskaf op die DvO- en Thutong-webtuistes.


10. Monitering en ondersteuning van Dinaledi en NSLP-skole

Die DvO sal 200 Dinaledi-skole en ander gekeurde skole in die land moniteer. Waar nodig sal ondersteuning verskaf word.


11. Die WKOD sal onderwysers ondersteun met geteikende onderrig in geselekteerde vakke wat gebaseer is op die 2009-eksamenuitslae. Ander vorms van ondersteuning sal insluit radioprogramme, e-leerplatforms, voorbeelde, bekendstelling en die aankoop en verskaffing van verwante leerondersteuningmateriaal vir 2010. Die WKOD sal geselekteerde materiaal wat vir geselekteerde skole genoem is, aankoop, asook vir alle skole in die provinsie in sommige gevalle.

12. 'n Telematiese program wat lesse lewendig uitsend na geselekteerde skole, sal in April 2010 'n aanvang neem vir 15-weke lank. Vakke wat aangebied sal word, sal Wiskunde, Fisiese Wetenskappe, Lewenswetenskappe, Rekeningkunde, Engels (EAT) en Afrikaans (HT) insluit. Lesse van die bogenoemde vakke wat na skole uitgesend is in 2009 sal na skole gestuur word in CD-formaat in Februarie 2010.

13. In Januarie 2010 sal die WKOD 'n e-leer-platform verskaf wat interaktiewe werk tussen onderwysers, leerders en kurrikulumadviseurs /-beplanners onderling in die volgende vakke sal verseker: Engels (EAT), Wiskunde, Wiskundige Geletterdheid, Fisiese Wetenskappe, Lewenswetenskappe en Rekeningkunde.


GETEKEN: BK SCHREUDER
HOOF: ONDERWYS
DATUM: 2009:12:01