| 1. |
1. Die Letterkundeondersteuningskomitee (LOK) nooi hiermee alle onderwysers van Afrikaans vir graad 12-leerders na die 2010-simposium, wat aangebied sal word by die Universiteit van Wes-Kaapland op Vrydag, 19 Februarie 2010, vanaf 14.30 tot 16.45 en op Saterdag, 20 Februarie 2010, van 09:00 tot 13:00. |
| 2. |
Die hoofdoel van die simposium is om die onderrig van letterkunde te ondersteun, maar daar sal ook 'n fokus wees op ander dissiplines, soos praat, skryf en grammatika. Die program sal teen 19 November 2009 beskikbaar wees op die VOO-webtuiste vir Afrikaans, (http://curriculum.pgwc.gov.za).
|
| 3. |
Die registrasiegeld vir die 2010-simposium is R75,00 per persoon. Persone wat belangstel, kan hierdie bedrag inbetaal op die ABSA-tjekrekening van die Stigting vir Bemagtiging deur Afrikaans (SBA) Die rekeningnommer is 550145847, takkode 632005. Tjeks moet uitgemaak word aan die Stigting vir Afrikaans. Gebruik asseblief die akroniem LOK en die naam van die skool as 'n verwysing wanneer u die deposito betaal. Die SBA sal verant-woordelik wees vir die administratiewe en logistieke reëlings van die LOK-simposium. |
| 4. |
Voornemende deelnemers moet die registrasievorm wat hierby ingesluit is (Bylae A) voltooi en dit faks, saam met bewys van betaling, aan me Christine Francke van die SBA by faksnommer 021 446 1012 teen nie later nie as 9 Oktober 2009. Ons herinner u daaraan om asseblief die akroniem LOK en die naam van die skool as verwysing te gebruik. (Die SBA se telefoonnommer is 021 446 1376.) |
| 5. |
Om die organiseerders van die LOK-simposium te help, word onderwysers versoek om by die bogenoemde sperdatum te hou, aangesien geen laat inskrywings aanvaar sal word nie. |
| 6. |
Let op dat die LOK-studiegidse (in CD-formaat) gratis aan alle deelnemers verskaf sal word. |
| 7. |
Bring asseblief die inhoud van hierdie minuut onder die aandag van almal wat betrokke is. |
GETEKEN: SM NAICKER
WND. HOOF: ONDERWYS
DATUM: 2009:09:25
|