1. In 'n poging om graad 12-kandidate te help om voor te berei vir die Nasionale Senior Sertifikaat-eksamen vir 2009, sal die Wes-Kaap Onderwysdepartement (WKOD) deur middel van gemeenskapsradiostasies programme aanbied wat fokus op graad 12-eksamenvakke en eksamentegnieke.
2. Die programme sal op die volgende radiosenders aangebied word:

  Radio Zibonele (Maandag en Woensdag)
Bush Radio (Dinsdag en Donderdag)
Radio Weskus (Maandag en Woensdag)
Radio Eden FM (Dinsdag en Donderdag)
3. Skole wat nie binne die opvanggebied van enige van hierdie radiostasies val nie, sal van geredigeerde opnames van die programme op CD voorsien word.
4. Opnames van die programme kan ook vanaf die WKOD se e-leer webtuiste gelaai word by http://curriculum.pgwc.gov.za/moodle.
5. Leerders sal ook gedurende die uitsendings geleentheid hê om in te bel en vrae aan die aanbieders te vra.
6. Daarbenewens kan leerders, onderwysers en ouers ook vrae met betrekking tot die Graad 12-eksamen deur middel van e-pos stel. Die adres vir hierdie doel is matric09@pgwc.gov.za. Hierdie vrae sal deur die betrokke kurrikulumbeplanners- en adviseurs beantwoord word.
7. Radioprogramme sal oor die volgende vakke aangebied word:

  Afrikaans Huistaal
Afrikaans Eerste Addisionele Taal
English Home Language
English First Additional Language
Xhosa Huistaal
Wiskunde
Wiskundige Geletteredheid
Rekeningkunde
Lewenswetenskappe
Fisiese Wetenskappe
Geskiedenis
Ekonomie
Besigheidstudies
Geografie
Landbouwetenskappe
8. Kandidate wat Nasionale Senior Serifikaat-vakke aanbied wat nie op die lys verskyn nie, is ook welkom om vrae via die volgende e-posadres te stel: matric09@pgwc.gov.za.
9. Die programme sal vanaf Maandag tot Donderdag om 15:30 uitgesaai word.
10. Die Wes-Kaap Onderwysdepartement wens alle Graad 12-leerders sterkte toe met hul voorbereiding vir die finale eksamens.
11. Bring asseblief die inhoud van hierdie minuut onder die aandag van alle Graad 12-onderwysers en leerders.


GETEKEN: SM NAICKER
HOOF: ONDERWYS
DATUM: 2009:08:17